Menntamál - 01.06.1970, Side 14

þeim er aS finna ákvæði, sem bægt hefði mörgum vanda
frá, ef þeim hefði verið framíylgt sem skyldi. Þess
vegna er það óraunhæft að heimfæra alla agnúa á
skólakerfinu til ófullkominna fræðslulaga. Hins vegar
má með réttu halda fram, að á undanförnum árum hafi
staðan i menntunarmálum og í lifsháttum þjóðarinnar
almennt tekið þeim breytingum frá þeim tíma, sem
fræðslulögin voru sett, að tímabært sé að efna til gagn-
gerðrar endurskoðunar á þeim. Veltur þá á miklu, að
staða okkar í þessum efnum sé metin í Ijósi staðreynd-
anna og leiðir, sem valdar verða til úrbóta, verði nægi-
lega fljótvirkar til að leysa aðkallandi verkefni.
Höfuðþátturinn í slíkri endurskoðun hlýtur að verða
kennaramenntunin.
Veigamikið atriði í þeirri endurskoðun væri, að
gætt væri fulls samræmis í menntun allra þeirra, nem
fást við kennslu á ákveðnu stigi, og sömu reglur gildi
um þá, sem fást við aðrar greinar en bóklegar.
Landssamband framhaldsskólakennara hefur frá önd-
verðu látið sig þessi mál miklu varða, og s.l. vetur setti
menntunar- og réttindanefnd LSFK, en í henni eiga
sæti Haraldur Steinþórsson, Þorsteinn Jónsson og
Kristmann Eiðsson, íram nefndarálit, þar cem iekin eru
saman helztu atriðin, sem rædd hafa verið innan LSFK
varðandi menntunar- og réttindamál kennara á gagn-
fræðastiginu.
Þar sem þetta nefndarálit túlkar í höfuðdráttum af-
stöðu LSFK til þessara mála leyfi ég mér að setja það
hér fram:
A. Menntun og réttindi.
1. Með tilliti iil endurskipulagningar Kennaraskóla ís-
lands, þar sem gert er ráð fyrir stúdentsprófi eða
öðru sambærilegu prófi sem aðalinntökuskilyrði, er
eðlilegt að fela þeim skóla einnig undirbúnings-
menntun framhaldsskólakennara, þar sem a.m.k.
kennaraefni bóklegra greina undirbúi sig íyrir sér-
greinar sínar og fái að loknu námi þar íyllstu rétt-
indi til kennslu I unglinga- og gagnfræðaskólum.
2. Kennaranám I verklegum greinum fari fram I sér-
stökum deildum Kennaraskólans eða, ef hentara
þætti, að fela öðrum sérskólum þann undirbúning
kennaraefna að einhverju eða öllu leyti, svo sem
Handíða- og myndlistarskóla, tónlistarskóla og
tækniskóla.
3. Sérstök athugun fari fram á, hvernig haga beri
námi kennaraefna til kennslu í iðnskólum, sjó-
mannaskólum o.fl. sérskólum.
4. Varðandi kennara án réttinda, sem komnir eru I
fast starf og vilja gera kennslu að ævistarfi, gildi:
a) Löng starfsreynsla veiti full kennsluréttindi skil-
yrðislaust.
b) Ríkisstjórn beri skylda til að gefa þeim, sem
styttri starfsreynslu hafa, kost á námi samhliða
starfi, er veitt geti full kennsluréttindi.
Sett verði reglugerð um slíkt nám.
B. Skilyrði fyrir stöðuveitingum.
1. Lokapróf frá kennaraháskóla, er fullnægi kröfum til
kennslu í unglinga- og gagnfræðaskólum.
2. B.A.-próf eða lokapróf frá Háskóla íslands í við-
komandi kennslugreinum hvorttveggja að viðbættu
prófi í uppeldis- og kennslufræðum.
3. Próf frá erlendum háskólum, sem metin eru jafn-
gild, ásamt prófi í uppeldis- og kennslufræðum.
4. Lokapróf frá þeim skólum öðrum, er undirbúa kenn-
ara í ýmsum sérgreinum.
MENNTAMÁL
96