Bjarmi

Árgangur

Bjarmi - 01.12.1995, Blaðsíða 3

Bjarmi - 01.12.1995, Blaðsíða 3
Jól ískugga áfalla Aðventan er runninn upp og jólin nálgast óðfluga. Þessi tími er á margan hátt sérstakur. Myrkrið er mikið og við fjölgum ljósum hjá okkur bæði innan dyra og utan. Ljósin minna okkur á ljósið sanna sem kom í heiminn og upplýsir hvern mann. Orð Jesaja spámanns rættust þegar Jesús fæddist hér á jórð: „Sú þjóð, sem í myrkri gengur, sér mikið ljós. Yfir þá, sem búa í landi náttmyrkranna, skín ljós" (9:2). Þessi orð eiga síðan við um alla þá sem taka á móti honum sem fæddist í Betlehem fyrir tvö þúsund árum. Þau eiga einnig sérstaklega vel við hér á landi. Á þessum árstíma er landið okkar „land náttmyrkranna", sól er lágt á lofti og skammdegismyrkrið mikið. Þessi orð geta einnig átt við á sérstakan hátt að þessu sinni. Þjóðin hefur orðið fyrir miklum áföllum á þessu ári vegna náttúruhamfara og slysa. Þegar við stöndum andspænis áfóllum lífsins er eins og myrkur leggist yfir. Við sjáum oft ekki fram úr myrkrinu og óleysanlegar spurningar hrannast upp í huga okkar. „Hvers vegna?" Staldrað ivið spyrjum við og finnum ekkert svar. Það er erfitt að halda jól í skugga áfalla og sorgar því við bindum svo margar góðar minningar við þá sem við syrgjum og söknum um jólin. Við slíkar aðstæður getur okkur jafnvel virst myrkrið enn svartara en fyrr og spurningarnar um Guð og vilja hans leita enn frekar á hugann. Andspænis syrgjandi fólki er stundum freistandi að slá fram ódýrum lausnum á þeim gátum sem við er að glíma. Vandinn er bara sá að þegar áföllum og þjáningu lífsins er að mæta eru ekki til neinar ódýrar lausnir. Hvað þá um Guð og vilja hans? Það merkiiega er að Guð býður heldur ekki neinar ódýrar lausnir. En jólin flytja okkur boðskapinn um þá lausn sem Guð gaf, lausn sem kostaði mikið en dugir líka ein. Hið sanna ljós kom inn í myrkrið. Guð gerðist sjálfur maður. Sonur Guðs gekk inn í kjör manna í hrjáðum heimi og þjáðist með þeim og fyrir þá. Þegar við kveikjum lítið ljós finnst okkur myrkrið stundum enn svartara vegna þess að andstæðurnar skerpast. Það kann að vera að jólin með öllu því sem þeim tilheyrir ýfi sorg og söknuð. En þrátt fyrir það skín ljós í myrkrinu. Hann sem sem þekkir okkur og aðstæður okkar stendur við hlið okkar. Hann gekk í gegnum þetta allt sjálfur og vann sigur. Upprisa hans boðar okkur það. Þess vegna höldum við ekki jól til þess eins að kveikja ljós í skammdeginu eða til að minnast fæðingar lítils barns í Betlehem. Við höldum jól af því að Guð sendi son sinn í heiminn til að frelsa okkur undan synd og dauða. Jesús Kristur kom og hann lifir. Þess vegna kemur hann til okkar á jólum með boðskap sem hann einn getur flutt okkur, boðskap sem einn veitir huggun: „Ég er ljós heimsins. Sá sem fylgir mér, mun ekki ganga í myrkri, heldur hafa ljós lífsins" (Jóh. 8:12). Guð gefi okkur gleðileg jól í Jesú nafni. ^r~**fá **w*v%<v$-*~ 3 v I armi Kristilegt tímarit Útgetendur: Kristilega skólahreytingin, Landssamband KFUM og KFUK og Samband íslenskra kristniboðsfélaga. Ritstjóri: Gunnar J. Gunnarsson. Ritnefnd: Anna Magnúsdóttir, Benedikt Amkelsson og Gunnar H. Ingimundarson. Afgreiðsla: Aðalskrifstofan, Holtavegi 28, pósthólf 4060,124 Reykjavík, sími 588 8899, bréfsími 588 8840. Árgjald: Kr. 2.500,- innanlands, kr. 3.000,-til útlanda. Gjalddagi 1. mars. Verð í lausasölu kr. 500,- Útlitshönnun og aðstoð við útgáfu: SALT hf - Tómas Torfason. Ljósmyndir: Magnús Fjalar Guðmundsson o.fl. Prentun: Borgarprent. Efni: Staldrað við: Jól í skugga áfalla ................................. 3 Sr. Karl Sigurbjörnsson: Hvers vegna lét Guð slysið verða?......... 4 Kvikmyndir: Braveheart.............................................10 F-síðan: Vitnisburður í góðgætinu ......................15 Kristniboð: Góðir nemendur gulls igildi...................16 Kristnlboð: Barninu bjargað á síðustu stundu .........18 Hver var Ágústus keisari?.....................20 Kjartan Jónsson: Samþykktur...........................................22 Úttekt: Utgáfustarf í jólamánuði........................24 Gyða Karlsdóttir: Við áttum öll sömu hugsjón..................27 Sr. Gísli Jónasson: Erum við að missa af lestinni?..............30

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.