Bjarmi

Árgangur

Bjarmi - 01.12.1995, Blaðsíða 21

Bjarmi - 01.12.1995, Blaðsíða 21
UM VIÐA VEROLD Ágústus var snjall stjórnandi. Smám saman byggði hann upp og endurbætti stjórnkerfi keisara- dæmisins og tókst svo vel til að það stóð í megin- atriðum í nokkrar aldir. Þá bætti hann samgöngur, lét mæla alla vegi og setja mílusteina. Hann efldi herinn til að styrkja varnir ríkisins og lagði jafn- framt undir sig ný landsvæði, einkum í Evrópu. Á hans dögum hófst það sem kallað hefur verið „hinn rómverski friður" (Pax Romana) og stóð í um 200 ár. Þar er fyrst og femst átt við innanlandsfrið því Rómverjar áttu oft í útistöðum við nágrannaþjóðir. Allt þetta efldi samskipti í rómverska heimsveldinu og verslun og viðskipti blómstruðu. Þannig opnuð- ust m.a. leiðir fyrir ýmiss konar hugmynda- og trúarstrauma og úr varð veruleg trúarbragðablanda og jafnvel upplausn í trúarlegum og heimspeki- legum efnum. En um leið var búið í haginn fyrir hraða útbreiðslu kristindómsins umhverfis Mið- jarðarhafið þegar á fyrstu öldunum eftir Krists burð. Ágústus reyndi að blása lífi í gömlu, rómversku fjölgyðistrúarbrógðin, m.a. með því að láta endur- byggja og gera við fjólda mustera, en virðist ekki hafa haft erindi sem erfiði. Ágústus lést 19. ágúst árið 14 e.Kr. Þá hafði kjör- sonur hans, Tíberíus, þegar tekið við völdum þótt Ágústus ríkti enn að nafni til. Lúkas guðspjalla- maður getur þess að Jóhannes skírari hafi tekið að predika í óbyggðinni á fimmtánda stjórnarári Tíberí- usarkeisara (Lúk. 3:1-3). Palestína var undir stjórn Rómverja frá árinu 63 f.Kr. þegar rómverski herforinginn Pompeius lagði Jerúsalem undir sig. Á dógum Jesú lúta Gyðingar því valdi rómverska keisarans sem skipaði yfirvöld í landinu. Gyðingar urðu að greiða Rómverjum skatt og í landi þeirra voru rómverskir hermenn. Þegar Jesús fæddist var Ágústus keisari við völd eins og Lúkas getur um í guðspjalli sínu (2:1). Það er athyglisvert að sjá hvernig Lúkas leggur á það áherslu að voldugasti maður veraldar, keisari „allrar heimsbyggðarinnar", verður þjónn áætlana Guðs. Hann verður verkfæri við uppfyllingu loforða Guðs um að senda mönnunum frelsara. Drengurinn í jötunni í Betlehem og valdhafinn í Róm verða andstæðurnar miklu. En sá þeirra sem virðist van- megnugur er í raun sá sem hefur allt vald á himni og jörðu. Þess vegna verður hinn hátignarlegi Ágústus keisari að lúta þeirri áætlun sem Guð hafði með fæðingu sonar síns í heiminn. GJG íák saman. BANDARIKIN: Börnunum kennt heima Það færist mjög í vöxt í Bandarfkjunum að börn hljóti skólafræðslu heima hjá sér en ekki í opinberum skólum eða einkaskólum. Yfirvöld í öllum ríkjum landsins eru samþykk þessari tilhögun enda hefur verið sýnt fram á að nemendur og stúdentar, sem notið hafa heimakennslu, spjara sig best á flestum sviðum þjóðfélagsins. Þeír njóta vinsælda t.d. í háskólunum í Yale og Harward. Til skamms tíma hefur það verið eins konar goðsögn að slíkir nemendur ættu erfitt með að samlagast öðrum. Þetta þykir afsannað, hið gagnstæða sé uppi á teningnum. Tekið er dæmi af fjölskyldu nokkurri sem hafði börn sín í skóla og leit svo á að þau væru þar eins konar kristniboðar. En börnin þurftu að ferðast þrjár klukkustundir með stætisvögnum, kennslan var léleg, áhrif sumra kennaranna voru óæskileg og í kennslustundunum í frönsku voru sýndar kvikmyndir um kynferðismál. Foreldrarnir ákváðu því að taka börnin úr skólanum. Einkaskóli þótti þeim of dýr og þau hófu að kenna þeim sjálf heima. Nú eru börnin orðin fullorðin og komin í vinnu og sýna engin merki þess að þau hafi borið skarðan hlut frá borði þó að þau hafi ekki gengið í venjulegan skóla. í erlendum blöðum segir að heimaskóli sé orðin hreyfing þar vestra og ekki aðeins af trúarlegum ástæðum þó að trúin skipti marga miklu máli í þessu sambandi. Fólk úr öllum stéttum þjóðfélagsins hefur tileinkað sér þessa kennsluhætti. Fyrir tíu ámm deildu menn um rétt heimaskólans í Bandaríkjunum. Nú er öldin önnur. Menntamálaráðuneytið hefur sagt að þessi kennsla komi samfélaginu mjög til góða. Sum fylkin veita styrki til kennslunnar vegna þess hve vel hefur til tekist. í lowa hafa þessi börn skarað fram úr í mörgum skólaprófum. „Aftur til undirstöðunnar," back to the basics, er vígorð í þessari hreyfingu. Lögð er áhersla á að iðni í námi sé eitt undirstöðuatriðið. Börnin eiga að afla sér áþreifanlegrar þekkingar. Þá eru þau í meira sambandi við mannlífið að öðru leyti en venjulegir skólanemendur, segja stuðningsmennirnir, og við foreldra sína en í því efni eigi almennu skólarnir erfiðara um vik. Margir þeirra sem hlotið hafa kennslu í heimaskólum eru orðnir stuðningsmenn hinnar nýju hreyfingar og henni vex stöðugt fiskur um hrygg. 21

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.