Bjarmi

Árgangur

Bjarmi - 01.12.1995, Blaðsíða 28

Bjarmi - 01.12.1995, Blaðsíða 28
AF VETTVANGI Gyða Karlsdóttir Við áttum öll sömu hugsjón FRA HEIMSÞINGI IFES I KENYU Heimsþing 1FES (International fellowship of evangelical students) var haldið í Nairóbí í Kenýu dagana 22. júní • 3. júlí í sumar. í fyrsta skipti í sögu samtakanna var stórviOburður af þessu tagi haldinn í Afríku og vegna aQstæOna varö aO takmarka fjölda þeirra fulltrúa sem komu frá hverju landi. Vift vorum þrír fulltrúar Kristilegu skólahreyflngarinnar á íslandi, í hópi 350 þátttakenda frá yfírlOOIöndum. Þingið var haldið á ráðstefnustað sem auðugur banki á, rétt utan við Nairóbí. Þetta var glæsilegur staður, stórt landflæmi, girt með háum girðingum og stóðu vopnaðir verðir við hlið á tveimur stöðum. Á svæðinu voru nokkrar byggingar sem stóðu í hring, kringum stórt blómlegt torg. í einni byggingunni var matast, annarri sofið, þeirri þriðju fóru þingstörfin fram. Þarna var sundlaug, fótboltavöllur, tennisvöllur, blakvöllur, hlaupabraut - í stuttu máli, allt sem hugurinn girntist til íþróttaiðkana. Ég varð að klípa mig í handlegginn og spyrja sjálfa mig: Er ég raunverulega stödd í Afríku? Það var þægileg tilfinning fyrir Vesturlandabúa að Hópur stúdenta og starfsmanna kristilegra skóla- hreyfinga í Suður- Ameríku með kynningaratriði á kvöldsamveru. dvelja í þessu verndaða umhverfi á þingstaðnum, en um leið rödd hið innra sem minnti á að handan girðingarinnar bjó þjóð sem bjó við mjög kröpp kjör. Yfirskrift þingsins var „One savior, one calling, one people." Á biblíulestrum, í vinnuhópum, á bænastundum, kvöldvökum - á samverustundum þingsins í heild, vorum við minnt á þá staðreynd að við erum bræður og systur í Kristi Jesú, frelsara okkar. Skoðanamunur, ólíkur bakgrunnur, menning og efnahagsleg kjör gerðu undur einingarinnar aðeins meira. Við vorum öll að vinna að sömu hugsjóninni, - að flytja fagnaðarerindið um Jesú til stúdenta veraldarinnar. Þarna stóðu Króatar og Serbar hlið við hlið og lofuðu Guð saman. Hútú- og Tútsímenn sögðu frá því hvernig þeir hefðu staðið saman í háskólunum í Rúanda þegar blóðsúthellingarnar byrjuðu. A Irlandi er unnið að því að sameina norður- írsku skólahreyfinguna og írsku skólahreyfinguna. Hvítir og svartir vinna saman í Suður-Afríku. Einingin í Kristi átti sér engin takmörk, engin landamæri. Um leið vorum við ólík og auðguðum hvert annað með mismuninum. Mér fannst einstakf að fylgjast með gleði Afríkubúanna sem þeim tókst að tjá af svo mikilli einlægni í söng og dillandi dansi. Trommusláttur, glaðlegur, marglitur klæðnaður, skjannahvítar tennurnar sem birtust í breiðu brosi þeirra endurspeglaði gleðina yfir því að vera frelsaður frá myrkrinu til ljóssins. Á heimsþinginu voru 14 nýjar skóla- og stúdenta- hreyfingar sem óskuðu eftir aðild að IFES. Þær voru frá Benin, Burkina Faso, Búrúndi, Kamerún, Chad, Costa Rica, Ekvator, Eþíópíu, Madagaskar, Malí, Nígeríu, Panama, Súrinam og Úrúguay. Fór fram stutt kynning á starfi skólahreyfinganna í þessum nýju aðildarlöndum og var þeim ákaft fagnað og þær 28

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.