Heima er bezt - 01.09.1960, Blaðsíða 36

skringilegu eða óvenjulegu, svo að allir munu hafa gaman
af. Hersteinn Pálsson sneri á íslenzku. Bókin er 243 bls.
með mörgum teikningum.
í lausasölu kr. 100.00 Til áskr. HEB aðeins kr. 70.00
„ . . . Þar sem útbúnaði mínum var nú í engu ábótavant, og
hagstæður árstími fór í hönd, lét Sælöðrið í haf þann 26. október.
Eyjan hvarf seint, því að byr var hægur, og daginn eftir eygði
ég enn Puce-fjall hjá Moka. Sælöðrið var degi síðar statt undan
Balets á Réunion, og kom þar út hafnsögumaður til að hafa tal
af mér. Ég fékk honum blað frá Mauritius, og hélt síðan áfram
för minni, því að ekki var gerlegt að lenda. Frá Réunion tók ég
stefnuna beint á St. Mary-höfða á Madagaskar. Skútan var nú
að nálgast takmörk staðvindasvæðisins og hinn öruggi byr, sem
hafði fleytt henni þúsundir mílna frá Sandhöfða á Ástralíu, varð
hægari með degi hverjum, unz algert logn gerði þann 30. október.
Sjór var spegilsléttur og allt kyrrt. Um kvöldið heflaði ég segl,
settist á þiljurnar og naut víðáttumikillar kyrrðar næturinnar."
Úr bókinni Einn á bnti umhverfis hnöttinn
33. MAGNÚS HEINASON
eftir Júlíus Havsteen. „Leikrit Havsteens ber vitni um,
að það er ritað af fæddum sagnfræðingi. Það gerist á 16.
öld og fjallar um Magnús Heinason, hinn fræga færeyska
sævíking og viðskipti hans við Friðrik konung II og
Kristófer Walkendorf. Inn í þetta er svo ofið ástarsögu
hans og Herborgar Jónsdóttur frá Húsavík, sem er eitt
hið bezt gerða í leikritinu....“ — Sr. Benjamín Krist-
jánsson.
I lausasölu kr. 100.00 Til áskr. HEB aðeins kr. 70.00
„ . . . Magnús: Segðu mér eins og er, höfuðsmaður. Þegar ég
gekk upp bryggjuna hingað heim, störðu menn á mig, sem ég
væri óvinurinn sjálfur. Hver andskotinn er að?
Lindenow: Hér er afrit af stefnu þeirri, sem Axel hreppstjóri
Gyntersberg á Torgum lét lesa karldyrum á húsi þínu meðan
þú varst í Grænlandsleiðangrinum. Þú ert sakaður um að hafa
fyrir fimm árum tekið nauðuga Margréti dóttur hans, sem nú er
gift Pétri dómara Hanssyni i Norðurfylki. Þér er stefnt bæði til
refsingar og greiðslu bóta.
Magnús (les skjalið og fleygir því á borðið): Þetta eru rakalaus
ósannindi. Stelpuskjátan vildi fá mig til við sig, en ég gekk ekki
á lagið.
Lindenow: Rétt er nú það. Haltu fast við þennan framburð.
En málinu er flýtt. Innan fárra daga kemur það fyrir lögþingið.
Axel Gyntersberg er harðjaxl, og stórlega hefur þú móðgað hann.
— Helzta ráðið út úr ógöngunum er að þú giftist yngstu dóttur
hans, Soffíu, strax þegar máli þessu er Iokið.“
Úr bókinni Magnús Heinason
Í'í
MINNIN G ARRIT
w
\
20. JÓN ÁRNASON ÁTTRÆÐUR
Indriði Indriðason bjó undir prentun. 1 þessari bók eru
greinar um Jón Árnason prentara og stjömuspeking eftir
Indriða Indriðason, séra Björn Magnússon prófessor, séra
Jakob Kristinsson og Steingrím Guðmundsson prent-
smiðjustjóra. I síðari hluta bókarinnar er úrval úr grein-
um Jóns Árnasonar, og nefnast þær: Gamansemi dul-
fræða, Táknfræði kirkjunnar, Rök stjörnuspekinnar,
Bindindi, Framþróun, Sjálfstæði og þjónusta.
í lausasölu kr. 50.00 Til áskr. HEB aðeins kr. 35.00
„ . . . Táknin eða jartegn (symbol) er hinn elzti og víðtækasti
frásagnarmáti, sem enn hefur þekkzt. Hann er jafnhandhægur
til kennslu barna og unglinga eins og þeirra, sem lengst eru komnir
í þróun. Táknin eru alls staðar nothæf til þess að skýra og skil-
greina málefni það eða hugmynd og hugmyndir, sem fyrir liggja
til athugunar og úrlausnar.
Hvenær tákn hafa fyrst verið notuð er ógerlegt að staðhæfa.
Öll líkindi eru til þess að þau hafi verið notuð undir eins og
maðurinn var vaxinn svo frá frumstiginu, að honum var unnt
að skilja lítils háttar skilgreiningar og veita fræðslu viðtöku.
Þá hefur verið unnt að benda honum á hliðstæður nokkrar til
þess að létta honum skilninginn. Tákn hafa verið notuð í sam-
bandi við öll trúarbrögð og trúarbragðaheimspeki. Á bak við öll
trúarbrögð, meiri og minni háttar, voru launhelgar, og í þeim
voru tákn og táknkerfi notuð, til þess að skýra hinum innvígðu
dýpstu sannindi tilverunnar, sem í innsta eðli sínu urðu aldrei
til fulls skýrð með orðum."
Úr bókinni Jón Árnason áttrœður
18. KVENNASKÓLINN Á LAUGALANDI 1877—1896
eftir séra Benjamín Kristjánsson. Hér er sögð saga
gamla skólans á Laugalandi, sem má teljast mjög merki-
leg, enda þótt skóhnn starfaði aðeins í tvo áratugi. —
Nokkrar námsmeyjar minnast hér forstöðukonu skólans,
Valgerðar Þorsteinsdóttur, hinnar gagnmerku mennta-
konu. Námsmeyjatal er í bókinni, sem er prýdd mörgum
myndum.
I lausasölu kr. 30.00 Til áskr. HEB aðeins kr. 21.00
„ . . . Eg var á 23. ári, þegar eg fór í Laugalandsskólann og
hafði verið vinnukona frá því að eg var 14 ára. Eg átti heima
í Baldursheimi, en þangað kom eg í vinnumennsku 18 ára.
Sólveig, húsmóðir mín, hvatti mig og studdi til þess að fara
á skólann, en hún hafði sjálf verið þar nokkrum árum áður.
Árskaup mitt um þetta leyti var 30 krónur, — og eg varð að
taka lán hjá húsbændum mínum, því að vetrardvölin á skólanum
kostaði rúmlega hundrað krónur, auk fata og bóka, eða rúmlega
þriggja ára kaup vinnukonu í þá daga. En kaupið fór að hækka
og varð síðar 40 krónur á ári.
Mest af öllu langaði mig til að læra dönsku, svo að eg gæti
lesið skáldsögur mér til gamans í tómstundum, og mig langaði
svo fjarskalega til að geta skrifað rétt.
360 Heima er bezt