Heima er bezt - 01.06.1973, Qupperneq 6

Gamla húsið frá 1929, nýbyggt.
Tóku þau nú að undirbúa stofnun nýbýlis á landi
sínu. Byrjuðu þau á byggingu útihúsa, en árið 1929
byggðu þau íbúðarhús og nefndu býli sitt Laugaból.
Húsið var byggt við brekkurætur í óræktuðu landi,
hvar heitar hndir voru í hallanum fyrir ofan húsið.
Nægðu þær því til upphitunar.
Land allt á milli brekku og Reykjadalsár var mjög
raklent og þurfti að grafa það skurðum til þurrkunar
áður en ræktun hófst. Var það bæði mikið verk og
erfitt með þeim tækjakosti er þá var til.
Og nú skall á viðskiptakreppa enn ægilegri en hin
fyrri. í huga þeirra, sem við hana börðust, er barlóm-
ur nútímafólks um dýrtíð, þröng kjör og lítinn kaup-
mátt launa, blátt áfram hlægilegur.
Það varð því enginn leikur fátækum hjónum að hefja
landnám, reisa þann húsakost, sem til þurfti og græða
nýtt tún við erfiðar ástæður frá náttúrunnar hendi. En
það tókst.
Á þessum árum varð kartöfluræktin við jarðvarmann
á Litlu-Laugum bjargvættur frumbýhnganna. Til jarð-
eplanna í volgri moldinni náði heimskreppan ekki.
Og húsið þeirra Unnar og Tryggva, sem þau byggðu
1929, er heimili þeirra enn í dag. Þar ólu þau upp 11
börn og komu þeim til manndóms og mennta. Með
aðstoð barna þeirra er Laugaból fyrir löngu orðin gæða-
jörð. Allt land á milli ár og heiðar er orðið að túni og
hafin nýrækt í heiðinni sjálfri.
Tryggvi og Unnur hafa nú látið bú sitt og jörð í
hendur sona sinna og tengdadætra. Ung hjón hafa byggt
sér fallegt hús í námunda við gamla húsið og önnur eru
að hefja nýbyggingu. Baksvið þessa htla bæjarþorps er
hlíðarbrekkan með undurfögrum trjálundi, sem Tryggvi
og börnin hans hafa plantað og ræktað.
Og skrúðgarðurinn frá Hallbjamarstöðum var endur-
vakinn á Laugabóli í enn stærri stíl og yndisþokka. Þar
er fjöldi fjölærra skrúðjurta og sumarblóma. Þar hóf
Tryggvi trjárækt, og þegar þrengdist um og sum trén
urðu að víkja, var húsbóndinn harla gjöfull á viði sína
til vina og nágranna. Hann ól upp í gróðrarreit plöntur
af fræi, bæði íslenzkrar ættar og erlendrar. í garðinum
voru einnig ræktaðar matjurtir
Og nú hóf hann skógrækt fyrir alvöru í brekkunni
fyrir utan og ofan bæinn. Þangað flutti hann þær plönt-
ur, sem hann ól upp sjálfur, auk þess sem hann fékk
þær frá skógrækt ríkisins. Þar er nú fyrir löngu vax-
inn hinn fegursti trjáreitur, sem óðum stækkar.. Er
þar furðu mikill fjöldi viða samankominn og margir
þeirra náð ágætum vexti. Hann sáði grenifræi í órækt-
aða jörð með mjög góðum árangri. Hann gerðist skóg-
ræktarmaður í þess orðs fyllsta skilningi. Þar gerir
hann tilraunir með margar tegundir barrviða.
Ur trjálundi sínum og uppeldisstöð var Tryggvi
ósínkur á plöntur til annarra. Einkum naut skrúðgarður
Húsmæðraskólans á Laugum góðs af gjafmildi hans.
Auk þess að vera skógræktarmaður er Tryggvi Sig-
tryggsson náttúruskoðandi og náttúrufræðingur. Hann
kann að greina fjölda blómjurta og grasa. Og sjaldgæf-
ar plöntur hefur hann flutt frá hinum f jarlægustu stöð-
um og gert að borgurum í gróðrarríki Laugabóls.
En skógræktaráhugi Tryggva Sigtryggssonar náði
langt út fyrir heimaland hans. Þegar er ástæður leyfðu
gerðist hann trúboði og forustumaður í sveit skógrækt-
armanna.
Hann beitti sér fyrir stofnun Skógræktarfélags Reyk-
dæla árið 1943 og hefur verið formaður þess síðan. Fé-
lagið átti mikinn þátt í því að koma upp heimilistrjá-
reitum í Reykjadal.
Sama ár og það félag var stofnað, beitti Tryggvi sér
fyrir stofnun Skógræktarfélags Þingeyinga og hefur
alla tíð verið formaður þess. Þar hafði hann að vísu
sér við hhð trúbræður sína í héraðinu. Hann og þeir
voru brennandi í andanum og trúðu á uppvöxt nytja-
skóga. Sýndi félagið þá trú í verki víðs vegar um
héraðið, um leið og það tók virkan þátt í samtökum
skógræktarmanna um allt land. Hefur félagið, undir
forustu Tryggva, verið í fremstu röð slíkra félaga í
landinu.
Langstærst viðfangsefni þess er friðun og ræktun
Fossselsskógar í vesturhlíð Fljótsheiðar.
Til þessara átaka hefur Skógræktarfélag Þingeyinga
notið samstarfs og styrktar Skógræktar ríkisins, og vit-
anlega hefur skógræktarstöðin á Vöglum verið því hin
mesta stoð.
Stoð getur að vísu stutt hrörlega byggingu. En „skóg-
arhöll“ Skógræktarfélags Þingeyinga, undir forustu
Tryggva, er nýbygging er lengi skal standa og ætluð
óbomum kynslóðum.
Flesta fundi Skógræktarfélags íslands hefur Tryggvi
Sigtryggsson sótt. Þeir hafa verið hans skógræktarskóli
og þar hefur hann kynnzt skoðanabræðmm sínum af
öllu landinu og bundizt við þá vináttuböndum. Skóg-
ræktarferðir til Noregs hafa einnig verið honum skóli
og uppörfun.
Algengt er, að í Laugaból komi innlendir og erlendir
skógræktarmenn til þess að skoða trjálundinn þar, heilsa
186 Heima er bezt