Heima er bezt - 01.05.1996, Blaðsíða 39

um mikið af góðum bókum. Það er svo skemmtileg til-
viljun að við hjónin ólumst bæði upp hjá öfum okkar og
ömmum og á báðum þessum bernskuheimilum okkar var
mikill bóklestur. Við höfum því erft talsvert af góðum
bókum. Svo er maðurinn minn þannig gerður að hann
getur ekki gengið inn í bókabúð án þess að eitthvað gerist
og því eykst safnið stöðugt. Eg hef ekki lesið nema brot
af þessu safni okkar og ég horfi stundum yfir bækurnar
og hugsa með mér að það sé nú gott að eiga þetta inni
þegar tími gefist til.
Gleðikonurnar á Hallormsstað
Hér á Hallormsstað hefur oft á tíðum verið blómlegt fé-
lagslíf. Konur í Vallahreppi stofnuðu t.d. „Gleðikonufé-
lag“ fyrir nokkrum árum. Tilgangurinn var meðal annars
að skoða merkingu orðsins. Það er nefnilega þannig að
það er sitthvað að vera gleðimaður eða gleðikona. Það
væru mjög jákvæð eftirmæli í minningargrein um látinn
karlmann að segja hann mikinn gleðimann en hætt er við
að einhverjum þætti skrýtið að lesa í minningargrein að
hún hefði verið gleðikona. Við settum okkur í samband
við Orðabók Háskólans og hina og þessa, skrifuðum bréf
og fengum svör. Á tímabili hélt þessi félagsskapur 2-3
fundi yfir vetrartímann. Við, staðarbúar, leikum líka
krikket hér á sumrin saman og gerum ýmislegt okkur til
skemmtunar. Samt er það nú ekki þannig að við séum
inni á gafli hvert hjá öðru, fólkið sem hér býr. Margir
vinna saman daglangt og hafa þá ekki mikla þörf fyrir
samveru þar fyrir utan.
Sumar og vetur
Það er mikill munur á sumri og vetri á Hallormsstað
hvað varðar störf og fólksfjölda og samskipti fólks. Á
veturna mótast umhverfið af starfi skólanna og skógrækt-
arinnar en þó er orðið nokkuð um að fólk búi hér og sæki
vinnu annað. Samskipti fólks á staðnum eru heilmikil og
samskipti við fólkið í sveitunum talsverð, bæði í tengsl-
um við grunnskólann, þorrablótin og persónuleg tengsl.
Umhverfið mótast af stöðugleika og rólegheitum.
Á sumrin breytist þetta mikið. í báðum skólunum eru
þá rekin hótel, fjöldi fólks kemur til starfa hjá skógrækt-
inni og allt fyllist af ferðafólki.
Þetta er ótrúlega mikil breyting fyrir þá, sem búa hér en
segja má að þetta sé góð tilbreyting.
Að kynnast nýju fólki
Þótt mér fyndist ég ekki vera að koma heim þegar við
fluttum hingað austur, þá fann ég samt að það var auð-
veldara fyrir mig en Sigfús, sem þekkti ekki bæjarnöfn
og varla áttirnar. Þær eru nefnilega allt öðruvísi hér en
annars staðar á landinu. Hér eru austur og norður gagn-
stæðar áttir og vekur oft furðu. En ég ólst upp í næsta
sveitarfélagi og þekkti ekki marga Vallamenn. Sem ung-
lingur vann ég á sumrin á Egilsstöðum og t.d. var ég
aldrei í skógræktinni hér á Hallormsstað. En við lögðum
okkur talsvert eftir því að kynnast fólkinu þegar við kom-
um hingað og kennarar kynnast auðvitað börnunum og
foreldrum þeirra. Vallamenn hafa tekið okkur óskaplega
vel og hér býr gott og skemmtilegt fólk. Ymis verkefni
verða til þess að maður kynnist fólki fyrr en ella. Eg fékk
t.d. um daginn beiðni um það, sem oddviti, að safna
mörkum í nýja markaskrá. Það varð til þess að ég skrifaði
öllum eigendum marka bréf og sendi þeim markaseðla. í
tengslum við þetta átti ég mörg og löng samtöl við margt
fólk, sem ég hafði sárasjaldan talað við. Bændur komu
jafnvel til mín með markaseðlana og settust þá inn og við
spjölluðum saman.
Framtíð fjölskyldunnar
Við höfum mikið velt fyrir okkur framtíðinni. í raun
viljum við helst vera hér fyrir austan. Hér er svo fallegt
og mikil veðursæld og margt við að vera. Náttúran gerist
ekki fegurri og margbreytilegri og hér gefst kostur á að
sinna ólíkum störfum og áhugamálum. En allt veltur á
því að hafa vinnu. Þær raddir hafa heyrst að undanfornu
að fólk megi ekki vera nema ákveðinn tíma í sama starf-
inu, annars sé hætta á stöðnun.
Ég er ekki sammála þessu. Ég geri mér grein fyrir að
það væri gott að komast í burtu í endurhæfingu en ég sé
enga ástæðu þess að ég geti ekki komið aftur í þetta starf
eða annað sambærilegt. Þetta er það, sem ég hef menntað
mig til og ég hef mikinn áhuga á þessu.
Starfið er líka svo fjölbreytt að það verður varla leiði-
gjamt. Ég vil líta svo á, að með því að fara í einhvers
konar endurmenntun sértu að gera þig betri og hæfari
starfskraft. Mér finnst gott að búa við stöðugleika, sér-
staklega meðan börn eru á heimilinu. Minn maður er
hins vegar þannig gerður að hann þarf alltaf að vera að
byggja upp og ég held honum finnist kannski að upp-
byggingu hér sé að nokkru leyti lokið. Hann hefur tekist
á við ýmis verkefni hér við grunnskólann með sínu góða
samstarfsfólki. En hann er jafnvel að horfa í kringum sig
eftir nýju starfi, sem helst væri þá þannig vaxið að við
gætum búið hér á Hallormsstað, a.m.k. eitthvað áfram.
Staðan getur auðvitað orðið allt önnur þegar börnin eru
uppkomin og fari það svo að þau setjist að í Reykjavík,
þá gæti ég vel hugsað mér að flytja suður um tíma. Hins
vegar vildi ég gjarnan koma aftur þegar ég er komin á
eftirlaun og fá þá að vera hér í rólegheitunum, þegar
þessum daglega erli lýkur. Það er allt opið hjá okkur.
Heima er bezt 195