Æskan - 01.10.1990, Blaðsíða 13

Hvernig á að gera umferðarfræðslu
fyrir börn skemmtilega? Margt hefur
verið reynt og núna nýlega frumsýndi
Alþýðuleikhúsið leikritið Keli þó! en
þvf er ætlað að fræða börn um um-
ferðina og þær hættur sem henni
fylgja. Höfundar leikritsins eru systurn-
ar Iðunn og Kristín Steinsdætur en tón-
listina samdi Ólafur Haukur Sfmonar-
son.
Leikritið fjallar um Kela, átta ára
strák sem er nýfluttur til Reykjavíkur
að vestan. Hann kynnist Völu og sam-
an lenda þau í ýmsum ævintýrum.
Margir koma við sögu en mest ber á
lögreglumanninum sem er alltaf ein-
hvers staðar nálægur. Vala er ágætlega
að sér í umferðarreglunum en Keli
hættulega fáfróður.
Með hlutverkin í leikritinu fara
Baltasar Kormákur, Steinunn Ólína
Þorsteinsdóttir og Gunnar Guðmunds-
son. Búninga og leikmynd gerði Gerla.
Umferðarráð og Menntamálaráðuneyt-
ið standa að þessari sýningu í sam-
starfi við Alþýðuleikhúsið en Lands-
banki íslands hefur stutt framtakið
með myndarlegum hætti.
Leikritið er sýnt í grunnskólum og
börnin fá að sýningu lokinni möppu
með ýmsu fræðsluefni og endurskins-
merki. Þannig er gert ráð fyrir að
kennarar haldi áfram að fjalla um um-
ferðina og þær hættur, sem henni
fylgja, eftir sýninguna. I möppunni eru
einnig textarnir við lögin en þau eru
mjög fjörleg. Gunnar Þórðarson útsetti
þau.
Það er heilmikið ævintýri að fá
leikhúsið inn í skólann og víst lífgar
það upp á skólastarfið en einnig er um
að ræða mikla og mikilvæga fræðslu.
Börnin kunna greinilega vel að meta leikritið, Keli þó!
ÆSKAN 1 3