Æskan - 01.10.1990, Qupperneq 14

Ný unglingabók eftir íðvarð Ingólfsson
X Hér fer á eftir hluti 4. kafla bókarinnar.
Edda ogHemmi, 16 og 17 ára, hafa kynnst nán-
ast af tilviljun. Þaö varð ást við fyrstu sýn!
Þegar hér er komið sögu hafa þau gengið að
bátaskýli hjá sumarbústað við Þingvallavatn en
\ þar dveljast þau um helgi ásamt vinum sínum - í
\ tilefni af afmœli Helga, vinar Hemma.
Árabáturinn er úr tré og gulur að lit. Hann er nýlegur
/ og orkar traustvekjandi á Eddu. Hún hefði aldrei tekið í
m mál að sigla á einhverjum fúnum og lekum báti. Hún
veit ekki hræðilegri dauðdaga en að drukkna eða farast í
flugslysi; fá enga rönd við reist. Þegar Hemmi réttir henni
björgunarvesti til að vera í hverfur sá litli beygur sem er í
henni.
Það tekur ekki langan tíma að koma bátnum á flot.
fc Edda sest í skutinn en Hemmi undir árar. Þau sitja hvort
gegnt öðru. Svo er róið af stað.
Það er byrjað að gjóla. Áttin er sennilega að snúast.
Það er bjart ennþá þó að komið sé fram yfir miðnætti.
Þetta er ein af þessum björtu og fallegu júnínóttum.
1 ^ Hemmi gerir hlé á róðrinum til að þau fái notið
kyrrðarinnar. Fuglasöngur rýfur hana stöku sinnum en
það spillir ekki fyrir. Stundum heyra þau smáfiskinn vaka
t í vatninu og sjá hvar hann hefur rekið upp trýnið til að
veiða sér flugu.
Edda horfir dreymnum augum út á vatnið. Það er
langt síðan hún hefur átt svona skemmtilegt og róman-
tískt kvöld. í stað þess að vera í rúminu heima og sofa á
sitt græna er hún stödd á einum fallegasta stað landsins í
11 besta veðri sem völ er á. Það er ótrúlegt að hún skuli
njóta þessa einmitt með stráknum sem hún er skotin í.
Þau eru þarna bara tvö ein í tilverunni. Enginn veit af
þeim. Þetta er þeirra eigið ævintýr.
- Hvað hugsar þú svona djúpt? spyr Hemmi kíminn.
' - Ha?
Hún hrekkur upp af hugsunum sínum og brosir á
móti. - Æ, ég var bara að njóta þess að vera til. Ég var
að hugsa um hvað það sé ótrúlegt að ég skuli vera hérna
í kvöld. Ég var að hugsa um sumarbústaðinn, afmælið,
veðrið og vatnið.
- Og ekki er öll nótt úti enn, segir Hemmi leyndar-
dómsfullur á svip.
- Þetta er stórkostlegur staður, segir hún. Maður ein-
hvern veginn sameinast náttúrunni, skynjar hana sem
hluta af sjálfum sér. Finnur þú fyrir því sama?
- Ha? segir hann annars hugar. Já, ég hef stundum
hugsað um það.
Hún er viss um að hann er bara að látast. Hann hefur
lítið sem ekkert gefið þessu gaum. Hún veltir því fyrir ser
hvort hann muni vera ólíkur sér að þessu leyti.
- Viltu kók? spyr Hemmi og dregur tvær dósir upp úr
jakkavasanum að innanverðu henni til mikillar undrunar.
Þetta var, svei mér, djúpur vasi! Hún var búin að taka
eftir smá bungu á jakkanum hans en datt ekki í hug að
þar leyndust dósir. Hún hélt að þetta væri eitthvað sem
tengdist árabátnum, einhverjir aukahlutir. Hann hafði lík'
lega stungið þessu inn á sig áður en hann kom út á ver-
öndina.
Hann hefur þá verið búinn að ráðgera einhvers konar
ævintýri með henni!
Hann bíður ekki eftir svari og réttir henni aðra dós-
ina.
Þau láta bátinn reka á meðan þau gefa sér góðart
tíma til að drekka úr dósunum.
Edda fer allt í einu að virða fyrir sér kraftalegan vöxt
Hemma.
- Ertu mikið í íþróttum? spyr hún áhugasöm.
Hann kinkar kolli.
- Já, flestum stundum þegar ég er ekki að vinna,
svarar hann og teygar stórum. Síðan tekur hann til við að
róa að nýju. Ég hef mestan áhuga á fótbolta og körfu-
bolta. Hvað um þig?
- Ég var mikið í íþróttum en er það ekki lengur.
Hafði mestan áhuga á blaki og sundi. Þetta var aðallega i
tengslum við skólann.
- Af hverju hætta stelpur miklu fyrr að stunda íþróttir
en strákar? Ég hef oft verið að hugsa um það.
Hún yppir öxlum, veit það ekki.
- Ætli það sé ekki bara áhugaleysi, segir hún til að
segja eitthvað.
- Við höfum kannski ekki eins mikla þörf fyrir að fá
útrás í íþróttum og þið, heldur hún áfram. En hvernig er
það, ertu góður íþróttamaður?
Hann hikar andartak en segir síðan:
- Maður getur kannski ekki dæmt um það sjálfur.
- En hvað?
Hann tekur bakföll og hlær.
14 ÆSKAN