Æskan - 01.05.1994, Síða 23

ÉG ÍMYNDA MÉR
Ég horfi á fuglana
snerta hafsflötinn.
Ég ímynda mér að þetta
séu þínar varir
aö kyssa mínar.
Ég horfi á laufblöðin
fjúka um göturnar.
Eg ímynda mér að þetta
séum ég og þú
þeysandi um á mótorhjóli.
Erna Þórey Björnsdóttir 14 ára.

LÍTIL STÚLKA í BOSNÍU
Þú ert lítil stúlka
- og þú lékst þér á götunni
þar til einn dag
að þú heyrðir skotdrunurnar
og sást mennina koma
eftir götunni
með byssurnar.
Þú ert lítil stúlka
svöng og blá
í saggafullum kjallara
- og leikur þér ekki lengur.
Þórey Rósa Einarsdóttir 10 ára.
OF SEINT
Tár, eitt lítið tár rennur,
rennur niður kinn mína,
tár sorgarinnar.
Foreldrar mínir eru dánir.
Hér sit ég með sektarkennd yfir því
að hafa ekki metið það sem fyrir
mig var gert,
aðeins tekið við án þess að þakka,
fundist það sjálfsagt.
Annað tár.
Ég vildi að ég hefði þakkað þeim
en nú er það tækifæri horfið.
Halldóra Inga Ingileifsdóttir 1 3 ára.
(Stúlkurnar fengu verblaun í Ijóöakeppninni í fyrra. Aldur miöast viö haustiö 1993).