Valsblaðið - 01.05.1984, Page 3

V
VALSBLAÐIÐ
36. TÖLUBLAÐ — 1984
ÚTGEFANDI: Knattspyrnufélagið VALUR. Félagsheimili, íþróttahús og leikvellir að Hlíðarenda við Laufásveg.
Umsjón með efni og auglýsingum: Hörður Hilmarsson. Setning, umbrot og prentun: Prenttækni, Kópavogi.
Pétur Sveinbjarnarson formaður Vals:
iBR 40 ára
í ágústmánuði síðast liðnum var Iþróttabandalag Reykjavíkur 40 ára. ÍBR er málsvari
íþróttafélaganna í Reykjavík gagnvart borgaryfirvöldum og öðrum opinberum aðilum, og
vettvangur til umræðna og skoðanaskipta um íþróttamál. ÍBR hefur komið mörgum góðum
málum til leiðar og stuðlað að eflingu íþróttastarfs í borginni. Valsmenn vilja því á þessum
merku tímamótum í sögu bandalagsins færa forystumönnum þess fyrr og nú bestu þakkir.
Frá því ÍBR var stofnað hefur margt breyst í íþróttamálum höfuðborgarinnar. Fyrir 40
árum voru íþróttafélögin í Reykjavík mun færri, keppnisgreinar ekki margar og aðstaða til
þjálfunar og keppni fábrotin. I raun voru íþróttamannvirki í Reykjavík aðeins tvö: íþrótta-
völlurinn við Suðurgötu og Sundhöllin við Barónsstíg. Iþróttafélögn sáu æsku Reykjavíkur
fyrir íþrótta- og félagsstarfi ásamt skátum, KFUM og góðtemplurum.
Síðustu tvo áratugi hefur Reykjavíkurborg í sívaxandi mæli tekið á sínar herðar
æskulýðs- og félagsstarf í borginni, — oft í beinni samkeppni við félög og samtök þeirra.
Æskilegra hefði verið að efla og styðja íþrótta- og æskulýðsfélögin til aukins starfs, en að
fjölga stöðugt launuðum leiðbeinendum á vegum Reykjavíkurborgar.
Fagna ber glæsilegum íþróttamannvirkjum, sem Reykjavíkurborg hefur byggt af miklum
myndarskap. Má þar sérstaklega nefna íþróttamannvirkin í Laugardal, Bláfjallasvæðið og
fjölgun sundstaða. Allt eru þetta framkvæmdir í þágu reykvísks æskufólks og í mörgum til-
vikum landsmanna allra.
Það er hinsvegar umhugsunarefni öllum þeim sem starfa að íþrótta- og æskulýðsmálum
hvort æskilegt jafnræði ríki í fjárveitingum til borgarmannvirkja annars vegar og til fram-
kvæmda íþrótta- og æskulýðsfélaganna í Reykjavík hins vegar. Er ekki betra að búa svo að
félögunum að þau geti 1 vaxandi mæli tekið á móti ungu fólki til þjálfunar og keppni, svo og
sinnt þeim aukna fjölda fólks sem leggur stund á íþróttir sér til heilsubótar og skemmt-
unar? Er ekki betra að virkja þetta áhugasama fólk innan félaganna meðþví að skapa því
aðstöðu þar í stað þess að reisa og reka fleiri og fleiri mannvirki á vegum borgarinnar
sjálfrar?
Gleymum ekki þeirri staðreynd að íþróttafélögin eru í senn hornsteinn og aflgjafi alls
íþróttastarfs og mannvirki þeirra ódýrustu félagsmiðstöðvar Reykjavíkur.
íþróttabandalag Reykjavíkur hefur þýðingarmiklu hlutverki að gegna sem forustuafl
reykvískra íþróttafélaga. Ég vona að IBR og íþróttafélögin í Reykjavík beri gæfu til að
standa ennþá fastar saman um þau málefni, sem enn bíða óleyst. Þá mun ÍBR miklu áorka.
LANOSOUKASAFM
3791Í2