Valsblaðið - 01.05.1984, Qupperneq 43

VALSBLAÐIÐ
41
undan og eftir mikla leit var ráðinn til
félagsins.
Ian Ross
Ian, eða Roscoe eins og hann er kall-
aður, er 37 ára gamall Skoti með mikla
reynslu sem leikmaður með þekktum
liðum í Englandi.
Ferill hans í knattspyrnunni hefur
verið þannig í stórum dráttum:
17 ára gamall komst hann á samning hjá
stórliðinu Liverpool. Þar var lan
1964-1970 og kynntist knattspyrnu eins
og hún gerist bezt. Um 1970 fékk hann
tilboð frá Aston Villa sem þá lék í 3.
deild. Roscoe tók því þar eð hann var
oft 12. maður hjá Liverpool og var
orðinn þreyttur á því. Þá leist
honum vel á hugmyndir forráðamanna
A. Villa um að koma liðinu aftur á
toppinn í ensku knattspyrnunni. Með
Ian Ross sem fyrirliða og einn af lykil-
mönnum tók það 5 ár að komast í 1.
deildina og í leiðinni vannst deildarbik-
arinn (nú mjólkurbikarinn), 1975. Árið
1977 yfirgaf Ross Villa Park og gerðist
spilandi þjálfari (player-coach) hjá
Peterborough í 3. deild. Þaðan lá
leiðin til Wolves sem aðstoðarfram-
kvæmdastjóri (assistant-manager) með
John Barnwell, 1980-82, en þá lagði
Roscoe skóna á hilluna að mestu.
Þegar Valur hafði samband við Ross
var hann þjálfari hjá Birmingham, en
hann fékk sig lausan og tók við Vals-
liðinu.
Ian var ráðinn til 18 mánaða svo hann
verður áfram með Valsliðið, enda er
mikil og almenn ánægja með störf
hans, bæði meðal leikmanna og for-
ystumanna deildarinnar.
Ian Ross er sterkur persónuleiki sem
geislar af og þekking hans á knatt-
spyrnu er mikil. Hann ber þess merki
að hafa hlotið knattspyrnulegt uppeldi
hjá Liverpool, einu besta félagsliði
Evrópu síðustu tvo áratugina. Einfald-
leikinn situr í fyrirrúmi og áhersla lögð
á að knattspyrna er hópíþrótt þar sem
keðjan er jafn sterk og veikasti hlekk-
urinn. lan er kröfuharður en sann-
gjarn; hann krefst einungis þess
að menn gefi sig 100% í leiki og
æfingar. Reynsla hans sem atvinnu-
manns gerir það að verkunt að hann
kemur mönnum sífellt á óvart. Finnur
að þótt sigur hafi unnist, en sleppir
skömmum er hann finnur hvernig leik-
mönnum líður eftir slakan leik.
Skynsamur, jarðbundinn maður
með nrikla reynslu, og ekkert vafamál
að með ráðningu Ian Ross vann Valur
stóra vinninginn í því happadrætti sem
ráðning erlends þjálfara er. Hann er
örugglega langbesti þjálfari félagsins
síðustu árin, og þeir sem til þekkja
telja að hann eigi möguleika á að ná
framtíðartakmarki sínu sem er: ,,að
Ian Ross fylgist vel með sínum mönnum.
t'laus l’eler liiiin þýski |>jáll’ari m.ll. i knall-
spyrnu 1982 ng 1983. Hörður Hilmarsson
verða framkvæmdastjóri (manager) hjá
Liverpool, eða í versta falli Aston
Villa“. Þessum kapítula er best lokið
með orðum lans Ross úr Valsfréttum
s.l. haust:
,,Líta til baka? Nei, það er ekki
minn stíll, varð mér að orði er ég var
beðinn um að horfa yfir keppnistíma-
bilið og tjá mig um það hvernig til
hefur tekist.
Ég get bara sagt, að það eina sem við
höfum gert í sumar er að byggja
undirstöðu, leggja grunn að betri
árangri í framtíðinni. Markmiðið er að
koma Val aftur þangað sem félagið á
heima, á topp íslenskrar knattspyrnu.
Fjögur ár eru of langur tírni fyrir félag
eins og Val utan við sviðsljós velgengn-
innar. Með mikilli vinnu allra
Valsmanna, jafnt innan vallar sem
utan, er ekki aðeins mögulegt heldur
líklegt að takmarkinu verði náð.
Ef Valsmenn og aðrir vallargestir
hafa haft ánægju af leik Valsliðsins í
sumar þá ér ég ánægður. Ég vil ná
arangrt á knattspyrnuvellinum með því
að leika skemmtilega sóknarknatt-
spyrnu sem líkleg er að gleðja augu
áhorfenda. Ef það tekst geta Vals-
menn allir, leikmenn, forystumenn og
áhangendur vænzt margra gleðistunda
á næstu árum.
Ég hlakka nú þegar til að koma aft-
ur næsta ár, því ég er bjartsýnn á fram-
tíð Vals í íslenzkri knattspyrnu. Þang-
að til óska ég Valsmönnum góðs
gengis."