Afturelding - 01.04.1961, Side 6

AFTURELDIN G
Litið iim til alþýðukonn
Það fellur eðlilega oft í hlut
minn að finna trúað fólk að máli
þar sem staða mín útheimtir það.
En hve misjafnt er það ekki að finna
félk að máli, sem þó eru meðlimir í
sama söfnuði og sækir Guðsþjónust-
ur í sömu kirkju.Sumir eru svo mild-
ir, kærleiksríkir og frjóir í andanum,
hvernig svo sem allar ytri kringum-
stæður eru, að maður fer ósjálfrátt
með ritningargreinina í Jeremía
17, 7—8: „Blessaður er sá maður,
sem reiðir sig á Drottin og lætur
Drottin vera athvarf sitt. Hann er
sem tré, sem gróðursett er við vatn
og teygir rætur sínar út að lækn-
um, sem hræðist ekki, þótt hitinn
komi og er með sígrænu laufi, —
sem jafnvel í þurrka-ári er áhyggju-
laust og lætur ekki af að bera ávöxt.“
Það var enn einu sinni í dag, sem
ég kom til hennar, systurinnar í
Kristi, sem kallar alltaf þetta orð
fram í huga mínum, er ég tala við
hana. Þegar við höfðum talað saman
litla stund, sagði hún að orð frá
Drottni hefði komið til sín fyrir
stuttu. — Já, hún sagði, að orð frá
Drottni hefði komið til sín! Það eru
ekki allir, sem geta sagt þetta, að
mitt í önnum dagsins komi orð til
þeirra. En það eru einmitt þeir, sem
lifa í þessari Guðs afstöðu, sem lifa
safaríku trúarlífi í öllum veðrum,
öllum árstíðum, öllum kringumstæð-
um. Þeir eru tréð, er orð Guðs segir
um: „sem hræðist ekki, þótt hitinn
komi og er með sígrænu laufi.“
Spámaðurinn Jeremía segir: „Nú
í tuttugu og þrjú ár hefur orð Drott-
ins komið til mín“ (Jer. 25,3) —
Svona var reynsla þessa guðsmann§!
22
Ó, hvílíkt líf, auðugt og „fólgið með
Kristi í Guði!“ Það var þó ekki létt
að varðveitast í trúnni á Guð á tím-
um Jeremía, þegar öll þjóðin var
fallin frá Guði. En samt getur hann
í þessu ægilega fráfalls-myrkri vitn-
að um þessa reynslu: „Nú í tuttugu
og þrjú ár hefur orð Drottins kom-
ið til mín.“
Nú var það enginn Jeremía spá-
maður, sem ég hafði fyrir mér í dag.
En það var Guðs barn, alþýðukona,
sem átti sama Guð og hann, nærðist
af sama orði og hann, sat við sama
brunn og hann, lifði undir sama
himni og hann. Hún gat sagt: „Orð
Drottins kom til mín.“ Og nú tók
hún Biblíuna og las Jesaja 30, 15-19.
En það var sérstaklega 15. versið,
sem hún dvaldi við: „Fyrir aftur-
hvarf og rósemi skuluð þér frels-
aðir verða. [ þolinmæði og trausti
skal styrkur yðar vera.“
Það var auðheyrt að orðin: „I
þolinmæði og trausti skal styrkur
yðar vera,“ liöfðu sérstaklega talað
til hennar. Þetta leyndi sér ekki,
þegar hún fór að tala um þessi orð,
að hún hefur oft þurft að umsetja,
þau í kringumstæðum lífs síns. Og
nú Ijómuðu minningarnar upp í
hjarta hennar, og gerðu andlitið
bjart og milt, þegar hún minntist
þess, hve gott og öruggt það var,
á reynslu stundum, að fá að sann-
prófa það, að Drottinn hefur alltaf
einhvern útveg, hvernig sem útlitið
er.
Guðsmaðurinn dr. Jowett, sem nú
er kominn heim til Drottins, sagði
frá því við tækifæri, að hann liefði
eitt sinn verið í ákaflega myrkum
kringumstæðum. I þessum þung-
bæru kringumstæðum ráðfærði hann
sig við dr. Berry frá Welverhamton.
— Hvað mundir þú hafa gert, ef
þú hefðir verið í mínum kringum-
stæðum? spurði hann vin sinn.
— Ég veit ekki, Jowett, ég er
ekki þar, og þú ert ekki þar ennþá.
— Hvenær þarftu að framkvæma?
— Á föstudag, svaraði dr. Jowett.
-— Þá munt þú áreiðanlega sjá
lausnina á föstudaginn. Drottinn
mun ekki bregðast þér, svaraði dr.
Berry. Og það varð!
Gefðu Guði tíma, einnig þegar þú
sérð hnífinn blika í loftinu, og þú
munt sjá að hrúturinn er fastur á
hornunum í þyrnirunninum, áður en
hnífnrinn gerir þér skaða.
Gefðu Guði tíma, einnig þegar
lækurinn Krít er þornað'ur, og j)ú
munt heyra, eins og Elía spámaður
og alþýðukonan í dag, orð Drottins
koma til þín og sýna þér leiðina út
úr erfiðleikunum.
Asmundur Eiríksson.
Hann svaraði rétt.
Það er sagt um mann nokkurn, sem
trúlega hafðl hjónað Drottni, og um
margra ára skelð hafði sýnt sérstakan
áhuga fyrir Guðs verki, aö dag þann er
hann varð að leggja niður ..pilgríms-
stafinn“, fékk hann heimsókn af ungum
trúuðum manni. Ungi maðurinn, sem
sat við rúm 'hins deyjandi manns, sagði
þá vlð hann:
,,Þú ferð nú til að taka á móti iaun-
um þinum fyrlr trúa þjónustu."
Þá svaraði gamli maðurinn:
,,Kæri bróðir, nú fer ég og tek á móti
miskunnsemi."