Afturelding - 01.04.1987, Blaðsíða 21
Kvennamót í Skagafiröi
í ár fengið annað útlit en var. Nú í
ár situr Einar Gíslason í nefndinni
sem fulltrúi safnaðarins í Kirkju-
lækjarkoti. Bjóðum við hann vel-
kominn og þökkum Hinriki fyrir
samveruna og hans hlut. Fulltrú-
arnir sem sitja eru Arnór Magnús-
son (ísaf.), Einar Gíslason
(Kirkjulk.), Halliði Kristinsson
(Reykjav.), Snorri Óskarsson
(Vestm.), og Vörður Traustason
(Ak.).
Að lokum þetta. Margir hafa
löngun til að þjóna Kristi og vitna
um hann. Það kemur fram í ýmsum
myndum t.d. persónulegum vitnis-
burði, trúfesti í samkomusókn,
áhuga á málefni Jesú Krists. En
tækifærin til að fara um landið til
að boða fagnaðarerindið hafa
kannski ekki gefist. Þá eiga menn
það til að líta á sig sem „ónýta
þjóna og misheppnaða lærisveina.“
En vertu hughraust(ur), þú átt
nefnilega leið til að tala og prédika
og efla það starf sem vinnur sálir
fyrir Himininn. Hvað gætum við
gert ef enginn veitti okkur fjár-
stuðning? Hvernig fer safnaðarstarf
ef enginn leggur til tíundina og
fórnir sínar? Já, einmitt sú aðferð
að veita okkur fjármagn er mikil og
lifandi prédikun til mannanna að
trúboðinn talar ekki einn, það eru
hundruð trúaðra, sem vitna með
honum í fjárstuðningnum, sem IT
fær, peningunum sem byggja söfn-
uðina upp og kalla á náðarregn frá
Guði yfir okkar starf. Vertu með og
náð Guðs færir okkur inn í kröf’tuga
vakningu Heilags anda.
f.h. Innanlandstrúboðsins
Snorri Óskarsson,
Betel, Vestmannaeyjum.
Styrkur þinn til innanlandstrúboðs
er vel þeginn. Framlög má senda
með C-gíróseðli í öllum bönkum og
pósthúsum, eða gegnum landsþjón-
ustu sparisjóðanna merkt:
Innanlandstrúboðssjóöur,
Box 208, 602 Akureyri.
Hlr. 17,
Sparisj. Glæsibæjarhrepps.
Bankanúmer: 17-26-1170.
Helgina 22-.24. maí s.l. var
haldið fyrsta kvennamótið innan
Hvítasunnuhreyfingarinnar, að
Löngumýri í Skagafirði. Var það
að frumkvæði kvenna í Betel-
söfnuðinum í Vestmannaeyjum,
og höfðu þær yfirumsjón með
skipulagningu mótsins. Þátttak-
endur voru 51 og komu úr öllum
landshlutum. Elín Pálsdóttir
fékkst til að segja okkur örlítið
frá mótinu.
— Yfirskrift mótsins var:
Hlutverk kvenna í söfnuðinum.
Carolyn Kristjánsson hélt
biblíulestur um þetta efni, og
síðan voru hópumræður. Caro-
lyn rannsakaði hlutverk kon-
unnar bæði í Gamla og Nýja
testamentinu, og kom margt
athyglisvert í ljós um það
hvernig Guð hefur notað konur.
Niðurstöður umræðna voru í
stuttu máli þessar. Konan er
mikilvæg í söfnuðinum. Orð
Guðs segir okkur að enginn
munur sé á karli og konu hvað
varðar þjónustu í ríki Guðs.
Samkvæmt því getur konan
gegnt hvaða hlutverki sem er.
Mikilvægast er að við séum
viljug að ganga inn í það hlut-
verk sem Guð ætlar okkur.
Guð vill nota okkur. Við
erum limir á líkama Krists, og
hver limur hefur sínu hlutverki
að gegna. Þeir verða allir að
gegna þjónustu sinni til þess að
líkaminn geti starfað eðlilega.
Bæði konur og karlar verða að
vera næm á kall Guðs.
Mótið var í alla staði mjög vel
heppnað. Veður var frábært all-
an tímann, svo mótsgestir gátu
athafnað sig úti undir berum
himni.
Margrét Jónsdóttir, skólastjóri
á Löngumýri, á þakkir skildar
fyrir mjög góðar móttökur. Það
var dásamlegt að setjast að mat-
arborði, og þurfa ekkert fyrir því
að hafa, og ganga svo inn í lof-
gjörð til Guðs eða gera hvað
annað sem hugur manns stóð til.
Farið var í gönguferðir, sund og
margt fleira sér til gamans gert.
Haldnar voru lofgjörðarstundir
með vitnisburðum, og skiptust
konurá um stjórn þeirra.
Allir þátttakendur fóru
ánægðir heim, og ákveðið var að
halda annað mót á sama tíma að
ári, en þá undir skipulagningu
kvenna á Akureyri.
GM