Afturelding - 01.04.1987, Blaðsíða 24
Franskir Hvítasunnumenn hafa ekki verið mikið í sviðsljós-
inu á Islandi hingað íil, en nú hefur einn þeirra loksins komið
í heimsókn til okkar. Hann féllst á að koma í lítið viðtal hjá
Aftureldingu.
Af Hvítasunnumönnum
í Frakklandi
Pierre Riccone.
— Hver ert þú, og hvaðan
kemurþú?
— Ég heiti Pierre Riccone og
kem frá Cagnes-sur-Mer, í Suð-
ur-Frakklandi. Þar er ég for-
stöðumaður í Hvítasunnusöfn-
uði.
— Viltu segja okkurfrá söfn-
uðinum þínum?
— Söfnuðurinn telur um 250
manns, sem eru úr öllum stétt-
um og öllum aldurshópum.
Hann líkist Hvítasunnusöfnuð-
inum hér, nema að því leyti að
við höfum alltaf' samkomur á
sunnudagsmorgnum. Við höfum
þrjár vakningarsamkomur á
viku, tvær bænastundir og eina
unglingasamkomu. Auk þess eru
bænastundir klukkan 6 á hverj-
um morgni. Þangað koma milli
20 og 30 manns.
í kirkjunni er lofgjörðarsöng-
hópur. Popptónlist er ekki vin-
sæl núna, hún var meira í tísku
áður.
Á hverju sumri er herferð og
þá eru samkomurnar haldnar á
fótboltaleikvangi. Einnig fer fólk
frá okkur á markaðstorgið og
selur bækur og blöð og dreifir
smáritum, með góðum árangri.
— Hafið þið einhver sam-
skipti við Kaþólsku kirkjuna?
— Það er ekki í mínum söfn-
uði, en sumir aðrir Hvítasunnu-
söfnuðir hafa samstarf við
Kaþólska. Það er náðargjafa-
vakning innan Kaþólsku kirkj-
unnar.
— Eru margar aðrar kirkju-
deildir slarfandi i Frakklandi?
— Já, það eru Baptistar,
Hjálpræðisherinn, Fríkirkjan og
Lútherska kirkjan, en Hvíta-
sunnukirkjan (Assemblée du
Dieu) er stærst og í örum vexti.
Meðlimir hennar eru um áttatíu
þúsund og forstöðumenn Ijögur
hundruð. Hún er öflugust í suð-
ur- og vesturhluta Frakklands, í
Normandie og einnig í Stras-
bourg. París er hins vegar erfið
viðureignar. Á vegum Hvíta-
sunnukirkjunnar er rekið mikið
trúboð m.a. í Afríku, Canada og
á Spáni. Einnig er kristileg sjón-
varpstöð í Suður-Frakklandi á
vegum hennar, og útvarpsstöð. í
Bordeaux er biblíuskóli.
— Er Hvítasunnuhreyfingin
öjlug i nágrannalöndum þínum,
t.d. Ítalíu ogSpáni?
— Ekki á Spáni, en á Ítalíu er
hún mjög öflug og vaxandi. Bæði
í Róm og á Sikiley eru mjög stór-
ar Hvítasunnukirkjur.
— Hvað dró þig til íslands?
— Sænskur vinur minn, sem
er málari, sagði mér að hann
væri að fara til íslands og ég
ákvað að slást í för með honum.
Ég hef mjög gaman af að ferðast
til annarra landa og kynnast
kirkjunum þar og mismunandi
menningu. Ég hef m.a farið til
Kóreu, Bandaríkjanna, Belgíu,
Englands, Ítalíu og Grikklands.
Það getur leitt til ánægjulegs
samstarfs. T.d. kemur hópur
unglinga frá Svíþjóð í sumar að
heimsækja söfnuð minn í Frakk-
landi.
Nú er ég búinn að heimsækja
forseta íslands og það var mjög
ánægjulegt. Hún er mjög geðug
kona.
— Viltu segja eitthvað sér-
stakt við íslendinga?
— Ég vil hvetja ykkur til að
boða fagnaðarerindið og rækja
samfélagið við trúsystkinin. Ég
hvet ykkur til að sækjast eftir
nánu samfélagi við Heilagan
anda, og biðja hvert fyrir öðru,
því að tíminn er stuttur.