Muninn - 01.03.1965, Blaðsíða 24

Treghulögmál andans
AF einskærri fróðleiksfýsn og áhuga á að
kynna fyrir mönnum einn af yngstu kenn-
urum skólans héldu undirritaðir á fund
Þóris Sigurðssonar. Birtum við hér hluta af
því, er á góma bar í viðræðum við hann.
„Þú ert fæddur ísfirðingur, Þórir?“
„Já, og var þar þangað til ég fór hingað
í M. A. haustið ’54. Annars hef ég lítt ver-
ið þar síðan.“
„Þú tókst mikinn þátt í félagslífinu hér,
var ekki svo?“
„Ekki í fyrstu, en einhvern veginn atvik-
aðist það svo, að ég var kosinn formaður
Hugins, — nú og það kom af sjálfu sér, að
ég varð síðan ritstjóri Munins. Kosningar
voru um þetta leyti með talsvert öðru sniði
en nú er. Stjórnmálaskoðanir réðu. Atök
voru milli „vinstri“ og „hægri“ manna. Það
gekk jafnvel svo langt, að sumir forkólfar
skólalífsins drógu menn í dilka eftir því,
hvaða stjórnmálaflokki þeir fylgdu — höfðu
skrá yfir alla nemendur og merktu A, F, C
eða D við hvern og einn. En þessi háttur
féll niður um þetta leyti.“
„Hvað geturðu sagt okkur um félagslíf-
ið?“
„Það var svipað og nú. Huginn var aðal-
uppistaðan eins og alltaf, en starfsemin tæp
lega eins fjörug og nú. Með tilkomu setu-
stofunnar er að vísu öll aðstaða betri, en
fundarmenning sízt meiri.“
„Hvert hélztu svo að loknu stúdents-
prófi?“
„Ég fór næsta haust til Stokkhólms og
var þar fimm vetur. Lagði stund á eðlis-
fræði, stjörnufræði, stærðfræði og lítilshátt-
ar heimspeki."
„Og þú kemur hingað sem kennari strax
að loknu námi. — Hvernig líka þér skipt-
in.“
„Ja, mér finnst ég varla eiga heima í þess-
ari virðulegu stétt. Þegar ég kom aftur,
fannst mér eins og ég væri að koma aftur
eitt sumar og setjast í næsta bekk.“
„Finnst þér þá ekki ýmsu ábótavant hjá
skólanum?"
„Það hafa margir mér eldri og reyndari
menn rætt og ritað um þau mál undanfar-
ið, og ég veit varla, hvort orð mín eru á-
92 MUNINN