Muninn - 01.11.1994, Blaðsíða 6

Formannspistill
Kæru skólafélagar.
Þá er komið að því að fyrsti pistill minn af
þessu tagi birtist á prenti. Ég ætla hér á eftir að
stikla á stóru í því hvað hefur verið um að vera
síðan þessi stjórn tók við.
Stærsti viðburðurinn í skólalífinu fram að
skólalokum s.l. vor var Dimissio sem við
undirbjuggum með hjálp góðra manna og kvenna.
Sá undirbúningur gekk mjög vel, fjórðubekkingum
voru veittar dýrindis veitingar í Stefánslundi um
morguninn og síðan var haldið niður í Sjalla. Það
sem var öðruvísi við þessa Dimissiohátíð öðru
fremur var að þarna voru aðkeyptir skemmtikraftar,
þ.e. Radíusbræður. Það var alveg ljóst frá byrjun að
atriði þeirra vakti misjafna lukku hjá viðstöddum. Þrátt fyrir það kom útganga
nokkurra boðsgesta undir þessu atriði okkur mjög á óvart. Mig langar fyrir hönd
stjórnarinnar að þakka öllum þeim sem komu nálægt undirbúningnum fyrir
Dimissio, þó að seint sé, en of langt mál væri að telja þá alla upp hér.
Síðan fóru allir í sumarfrí og í lok þess fóru sumir jafnvel til Portúgal og
skemmtu sér bara allþokkalega.
Eftir heimkomuna hófu 4. bekkingar síðan að misþyrma busum
samkvæmt fyrirfram ákveðnum aðferðum. Því lauk á föstudegi með tolleringu
og þá um kvöldið var haldið busaball í 1929. Það heppnaðist mjög vel, mæting
var góð og mikið fjör. Það er von mín að mætingin verði bara enn betri á næstu
böllum.
19. okt. héldu 50 galvaskir stuðningsmenn ræðuliðs M.A. suður yfir
heiðar. Ferðin var hin skemmtilegasta og ekki spillti fyrir að M.A.-ingar burstuðu
Iðnskólann; bæði í pontu og í salnum.
Fyrsta kvöldvakan var haldin í Möðruvallakjallara 27. okt. s.l. Hún
heppnaðist frábærlega og mætingin var alveg til fyrirmyndar. Atriðin voru
vönduð; Heiðar snyrtir fór á kostum og fjölmörg skemmtileg atriði komu frá
nemendum.
Það er líka ýmislegt framundan. Farið verður að Faugarvatni 4.-6. nóv.,
ýmsir fyrirlestrar eru í sigti hjá okkur, ásamt öllu því sem félög skólans standa
fyrir.
Árshátíðin verður haldin 1. desember og ákveðið hefur verið að SSSól leiki
þar fyrir dansi. Árshátíðin er langstærsti atburðurinn í skólalífinu á ári hverju.
Hún hefur vakið athygli um land allt sökum þess að hún er áfengislaus með öllu
og að nær öllu leyti framkvæmd af nemendum. Það er því mikilvægt að allir
leggist á eitt til þess að gera þessa hátíð jafnvel enn glæsilegri en áður.
Nú er farið að styttast allverulega í lok þessa pistils.
Páll Tómas Finnsson
6
MUNINN