Muninn - 01.11.1994, Blaðsíða 14

Busavikan
Frásögn 1. bekkinga
Við erum hér tvö busagrey sem
viljum tjá okkur um hvernig var farið
með okkur fyrstu vikuna hér við
Menntaskólann á Akureyri.
Til að fjórðubekkingarnir gætu
þekkt bekkina í sundur smöluðu þeir
okkur blessuðum busunum saman í
réttir og þar vorum við aumingjarnir
dregnir í dilka og merktir rækilega, svo
það færi nú alveg örugglega ekki
framhjá neinum að við værum BUSAR!
Einnig leyfðu þeir okkur að bíta gras af
skólalóðinni og hlýtur það að teljast
mikill heiður.
Eldri nemendur ætla að reyna að
kenna okkur busunum manndóm og
úr þeim skóla útskrifumst við loks
þegar við komum í fjórða bekk. Og
kennslan sjálf byrjaði strax í
busavígslunni þar sem þeir létu okkur
moka fyrir þökum með göfflum og
teskeiðum og sópa körfuboltavöllinn
með tannburstum og margt fleira. Eftir
að við höfðum verið tekin inn í
skólann almennilega eða eftir
tolleringuna kom í ljós að fjórðu-
bekkingarnir eru alls ekki svo slæmir,
þeir byrjuðu á því að gefa okkur kakó
og kleinur og fóru svo með okkur í
kynningarferð um bæinn og þar
skoðuðum við helstu staði bæjarins svo
sem Ríkið, Sjallann, 1929 og síðast en
alls ekki síst Dynheima. Og um
kvöldið var haldið Busaball í 1929, þar
sem allir skemmtu sér konunglega.
Laugardagkvöldið eftir héldu fjórðu-
bekkingar partý fyrir fyrstubekkingana
og þar skemmtu þeir sér jafnvel enn
betur en kvöldið áður.
Nú höfum við ekkert fleira að
segja nema Guð hjálpi busunum sem
hefja nám við Menntaskólann á
Akureyri árið 1997 - '98. He he...
Inga og Sólrún Dögg l.F
14
MUNINN