Muninn - 01.11.1994, Qupperneq 13
En þetta hundsar frjálshyggjan. Sagt
er að allir eigi að berjast við alla og
takmarkið á að vera að koma sér og
sínum þægilega fyrir í þjóðfélaginu.
En er það sanngjörn barátta? Nei,
síður en svo. Að vísu er líkamlegur
munur ekki svo mikill frá manni til
manns en það skiptir einfaldlega ekki
máli því barátta mannanna er fyrst og
fremst andleg, t.d. um góða vinnu.
Setjum sem svo að Jón
Hreggviðsson sé að sækja um vinnu
sem bankastjóri. Hann og annar
ungur maður eru um hituna. Þeir hafa
sambærilega menntun og hæfni þeirra
er að öllu leyti sambærileg nema að
einu leyti. Jón er sonur bóka-
safnsvarðar á Siglufirði en
keppinauturinn á föður, mág, afa,
bróður, og tengdaföður í stjórn
bankans sem hér um ræðir. Það sjá
allir að þessi barátta er engan veginn
sanngjörn. Sambærilegt dæmi úr
náttúrunni væri t.d. mauræta gegn
maurætu með vélbyssu. Það gæti
aðeins endað á einn veg, og sama er
uppi á teningnum með dæmið hans
Jóns.
Eina leiðin til að gera baráttu
Jóns sanngjarna væri að setja afa,
föður, mág, bróður og tengdaföður
hans líka í bankastjórnina. Það gengi
auðsjáanlega ekki upp og Jón á enga
möguleika á stöðunni, þ.e. ef í
viðkomandi landi er ríkjandi
stjórnarfar frjálshyggjunnar. Ástæða
þess er sú að hagsmunatengsl eru
óumflýjanleg í slíku stjórnarfari.
Þegar allt kemur til alls er
frjálshyggjan nákvæmlega það sama og
rófubein, skapahár og neglur. Þetta eru
allt leifar af því þegar maðurinn var
öngvu mannlegri en hundurinn minn.
Og þá fyrst erum við orðnar vitrænar
skepnur, án beinna tenglsa við
dýraríkið og frumskógarlögmálið, þegar
allir menn verða orðnir sköllóttir,
naglalausir og rófubeinslausir. Að
ógleymdu því að samfélagið verði
þannig uppbyggt að enginn fæðist inn
í slæma eða góða stöðu í samfélaginu.
-Allir menn eiga að vera jafnir-
King Kong
SKÓTÍSKAN SKIPAGÖTU 5 • SÍMI 96-26545 • 600 AKUREYRI Hártískan Kaupangi v/Mýrarveg Akureyri Sími 96-26666
4 SKIPAGÖTU 12, 2. HÆÐ • SÍMI 23022 sjóváÖÍalmennar Umboðið á Akureyri Ráðhústorgi 5 - Símar: 96-22244 & 96-23600
MUNINN
13