Muninn - 01.11.2004, Blaðsíða 42

Klukkan fjögur á fimmtudegi
má sjá hóp af fyrstubekkingum
með svefnpoka í annarri og
íþróttatösku í hinni standa í
hóp fyrir framan vistina að bíða
eftir rútu sem mun flytja þau
á vit ævintýranna. Skálaferð á
Hólavatni.
Allt er í heiminum hverfult
Form skálaferða sem og
staðsetning þeirra, hefur breyst
í tímans rás. Áður fyrr var selið
Útgarður notað í þessu skyni.
Síðan færðust skálaferðirnar yfir
á Skíðahótelið. Þá voru ferðirnar
tveir dagar og ein nótt. Allir
árgangar skólans fóru í skálaferð.
Menn fóru gjarnan á skíði og um
kvöldið var haldin kvöldvaka.
Svo gengu menn niður eftir
þegar tími var kominn til að fara
heim. Núorðið fara bara fyrsti
og annar bekkur í skálaferðir
en dæmi eru um einstaka þriðju
bekki sem lauma sér líka. Þegar
ég var í fyrsta og öðrum bekk
fórum við af stað að morgni
til og komum til baka rétt eftir
hádegi daginn eftir. Nú er lagt af
stað eftir skóla og komið til baka
síðdegis næsta dag.
Undirbúningurinn
Það er ekki eins og rútuferðin
sé upphaf ævintýrisins. Frá
því krakkarnir heyra fyrst
um fyrirbærið „skálaferð" fer
hugarflug þeirra í fimmta gír.
Dæmi eru um það að kennurum
hafi ekki verið mögulegt að
kenna bekknum sínum eftir
uppljóstrun af þessu tagi. Það
er ýmislegt sem þarf að huga
að áður en koddanum er troðið
ofan í pokann og rykið er dustað
af draugasögusafninu. Skipa
þarf í hinar ýmsu nefndir, t.d.
matarnefnd, skemmtinefnd,
uppvasksnefndogtiltektarnefnd.
Það fer þó eftir bekkjum hvernig
nefndir þeir skipa í, einhverjir
vilja ef til vill hafa sérstaka
útileikjanefnd, tónlistarnefnd
eða jafnvel sérstaka
innkaupanefnd. Svo er líka hægt
að hafa gestabókarnefnd, sem
leggur metnað sinn í að hanna
þema fyrir síðu bekkjarins í
gestabókinni, sem verður þá
væntanlega íburðarmeiri en
gengur og gerist. Mæli sterklega
með þessu fyrir listhneigða
bekki. Einnig gæti verið gaman
að hafa vakningarnefnd, en hún
myndi taka að sér að finna hinar
ýmsu misgrimmu aðferðir við
að koma fólkinu á lappir um
morguninn. Er til betri byrjun á
degi fyrir manneskju með engin
aukaföt en að vakna við kalda
vatnsgusu yfir allan líkamann?
Eða að vakna uppfullur af þeirri
vellíðan og sálarró sem einungis
samspil tveggja pottloka getur
valdið?
Haldið af stað
Þegar á Hólavatn er komið
er ótal margt sem sprækir
Menntskælingar taka sér fyrir
hendur. Mætti þar fyrst nefna
fótbolta. Fátt er betra til þess
fallið að efla bekkjarandann en
keppni upp á blóð, svita og tár.
Tilbrigði við þetta er körfubolti
og er aðstaða til þeirrar íþróttar
einnig fyrir hendi á Hólavatni.
Ef útileikjanefnd hefur verið
skipuð er alltaf gaman að fara
í leiki - taka þessa klassísku
eins og hlaupa í skarðið, köttur
og mús og pokahlaup. Alltaf er
hætt við íþróttameiðslum og
því getur verið betra að fara í
kyrrláta gönguferð í náttúrunni.
Einn leikur hefur með síaukinni
tæknivæðingu ungdómsins
haslað sér völl á Hólavatni,
leikurinn „viltu finna samband?"
Hvaðan geturðu sent SMS-ið
sem mun breyta lífi þínu? Er
það af þessum hól, hinum, eða
þessum hinu megin við þá tvo?
Svo má ekki gleyma vatninu, sem
auk hólanna er einkennismerki
staðarins. Þó ekki sé hægt að
sigla á því ætti það ekki að koma
í veg fyrir góðar stundir. Hvernig
væri að endurvekja hina fornu
list að fleyta kerlingar? Þó skal
gæta varúðar í kringum vatnið.
í einum bekk var nokkrum
nemendum falið það verkefni
að kæla gosið í vatninu. Það fór
ekki betur en svo að þeim tókst
að missa það úr höndunum og
horfðu á það sökkva til botns!
Bekkurinn fylltist vonleysi og
óttaðist að sykursjokk kvöldsins
yrði takmarkað, en sem betur
fer tókst einum nemenda með
mikilli kænsku og útsjónarsemi
að veiða gosið upp úr vatninu
með steini og bandspotta. Eftir
það var hann nefndur hetja
dagsins.
Fyrir þá sem ekki
hneigjast til útivistar er ýmislegt
í boði innandyra. Að spila á spil
er góð skemmtun og getur, ekki
síður en fótbolti, falið í sér blóð,
svita og tár og er þar af leiðandi
alveg jafn vel til þess fallið að
efla bekkjarandann. Á þessum