Kirkjuritið - 01.11.1957, Page 10

392
KIRKJUHITIÐ
söfnuðum til athugunar. Þær fjalla um: 1. Frelsið í Kristi. 2.
Eining kirkjunnar í Kristi. 3. Frelsið til siðabótar í kirkjunni.
4. Frelsi til þess að veita heiminum þjónustu. 5. Frelsi og sam-
einingu í voninni. — Þinginu berst kveðja frá Orþodosku kirkj-
unni, og er henni mjög fagnað.
Að síðustu flytur Hanns Lilje þakkarorð. Hann kveður for-
setastarfið hafa orðið sér til óumræðilegrar gleði og blessunar
og hann lært mikið á ferðum sínum um hnöttinn. Forsetinn
nýi segir örfá orð. Hann biður um náð Guðs til þess, að hann
hrasi ekki.
IV.
Eitt er þó eftir: Guðsþjónusta að skilnaði undir beru lofti
um nón næsta dag, sunnudaginn 25. ágúst.
Hana á að halda fyrir framan Capitolium í St. Paul, sem er
samvaxin Minneapolis, aðeins Missisippi í milli. Þetta er mikil
höll og óvenjulega glæsileg, með háu hvolfþaki og prýdd feg-
urstu listaverkum í grísk-rómverskum stíl. Þar á fylkisþing og
stjórn aðsetur og bæjarráð. Framundan skrúðgarðar og torg.
Þangað streymir fólkið í þúsundatali, verða alls yfir hundrað
þúsundir. En hljómsveit tekur að leika 1—2 stundum áður en
guðsþjónustan hefst. Fulltrúar ganga í skrúða undir merkjum
inn á vellina og þokast upp að sætum sínum á flöt framundan
höllinni, íslendingarnir á eftir Ungverjum, en á undan Ind-
verjum. Tvö þúsund manna söngsveit syngur sálm, og mann-
fjöldinn tekur undir.
Blökkumaður frá Tanganyika stígur í ræðustól og mælir örfá
orð. Þvínæst flytur forsetinn nýi stutt ávarp: Kristur frelsar og
sameinar.
Síðan fer guðsþjónustan fram í fimm þáttum, hliðstæðum,
og hefst hver um sig með lúðrablæstri.
Hinn fyrsti er um frelsi vort í Kristi. Ræða er haldin gegn
því og leitazt við að reisa andmæli á þungvægum rökum. Ordass
biskup svarar og hrekur fullyrðingar með dómi reyslunnar,
annarra og sjálfs sín. Bezt fann hann þetta frelsi, er hann horfð-
ist í augu við dauðann, og friður og óbifanlegt guðstraust færð-