Kirkjuritið - 01.12.1959, Page 9

Hvar hefir þú orðið fyrir dýpstum áhrifum
við guðsþjónustu?
Hvar hefir þú orðiö fyrir dý'pstum áhrifum við guðsþjónustu?
Faðir minn var organleikari við Stokkseyrarkirkju frá því
ég fyrst man eftir mér. Hann var vanur að taka mig með sér
á söngæfingar í kirkjunni strax og ég komst dálítið á legg. Ég
man enn þær stundir í kirkjunni, þegar kórinn söng sálma-
lögin í hálfrökkri, því að ljós var aðeins við orgelið; þá voru
kertaljós, en ekki rafmagn. Faðir minn var mikill trúmaður,
og organistaembættið var honum heilagt. Þess vegna vandaði
hann sem bezt hann gat til söngsins, enda mun söngurinn hafa
verið ágætur.
Svo voru það sjálfar guðsþjónusturnar. Bezt man ég eftir
aftansöngnum á aðfangadag jóla. Þá ljómaði öll kirkjan og
kristallarnir glitruðu eins og þúsund stjörnur í ljósahjálmun-
um. Það var mikil dýrð og dásemd, og svo öll fallegu lögin.
Þá eignaðist ég jólin, sem ég enn á og aldrei vil missa: Jól í
barnslegri trú. Hvað er betra?