Kirkjuritið - 01.12.1959, Page 14

444
KIRKJURITIÐ
þeim skilyrðum, sem Róm setur. Þó dylst það ekki, að þetta
umburðarbréf er í miklu mildari og blíðari anda en fyrri páfa-
bréf. „Vér bjóðum þeim ástúðlega heim, sem tilbiðja Guð með
lotningu og leitast við af góðum vilja að halda boðorð hans,
enda þótt þeir séu ekki af þessu sauðahúsi."
Umburðarbréfinu lýkur með ,,Föðurorðum“. Prestastéttin er
áminnt um það að sýna biskupunum hlýðni, og vitnar páfi í
því sambandi til orða Ignatíusar frá Antíokkíu: „Vertu undir-
gefinn biskupi þínum eins og Jesú Kristi .. . Það er nauðsyn-
legt, að allt, sem þér gjörið, gjörið þér einungis í samráði við
biskup yðar.“
Kveðja er send trúhneigðum mönnum, sem eru í trúfélögum.
Þeirra er minnzt, sem starfa að trúboði með heiðingjum. Ekk-
ert starf er ef til vill Guði þóknanlegra. Trúræknum konum
er ekki heldur gleymt, þeim sem vinna í sjúkrahúsum eða
barnaheimilum.
Enn er getið leikmannastarfsins og minnzt á gildi þess. Leik-
mennimir eiga að leggja sig alla fram til þess að vinna að
sigri kirkjunnar.
Þá er vikið að nauðstöddum mönnum. Þeir eiga að minnast
þess, að við þjáningar þessa lífs, sem hreinsa mennina og
hefja þá, getum vér hlotið eilífan fögnuð himinsins.
Orð páfans vekja margar hugsanir, og mikið mun verða
rætt um þau og ritað.
Þau eru eins konar leiðarmerki á áfanganum fram undan.
Á. G.
Sagt er, að skáldið Æskylos, sem var sonur eins a£ prestunum við
launhelgarnar í Elevsis, hafi einu sinni lýst því yfir, í viðurvist
mannfjöldans í leikhúsi Aþenuborgar, að koma mundi nýr andlegur
konungur og gjöra vald heimsdrottnaranna að engu. Með þessu
fannst Aþenumönnum svo nærri drottnurum sínum höggvið og Æs-
kylos gerast svo djarfmæltur, að þeir réðust að honum. Slapp hann
með naumindum frá því að verða drepinn.