Prestafélagsritið - 01.01.1925, Síða 16

PrestafélagaritiÐ. Kjarni kristindómsins og umbúðir.
11
hefir verið sagt um kristindóminn annars vegar sem trúarþekk-
ingu og siðgæðishugsjónir, þ. e. sem kenningu, — og hins
vegar sem líf í kærleika til Guðs og manna.
Lítum fprst á búning kristindómskenningarinnar.
Þar kemur til greina orðalag kenninga, útlistanir á höfuð-
sannindum kristindómsins, skýringar á hinum margvíslegu við-
fangsefnum, er varða kristindómssannindin.
Alt form kristindómskenningarinnar, alt hið tímabundna og
breytilega, er varðar framsetningu og boðun meginsanninda
og staðreynda kristindómsins, verður að teljast til umbúða
kenningarinnar.
Að þetta sé rétt sýnir sagan oss bezt og berlegast. Því að
reynslan er sú, að þótt kjarni kristindómsins hafi aldrei glatast
til fulls á neinu tímabili kristninnar, hafa umbúðirnar, búningur
kristindómskenningarinnar, sífelt verið að breytast að einhverju
leyti frá einni öld til annarar.
Af þessu er öll guðfræði runnin, bæði gömul og ný. Þar
er eðlileg tilraun til að skýra meginsannindi kristindómsins
á þann hátt, að þátíminn geti haft þeirra sem bezt not og
hagnýtt sér þau og heimfært upp á aðstæður lífs síns og sam-
rýmt þau hugsunarhætti síns tíma.
Guðfræði hvers tíma er tilraun til að tala máli samtíðar
sinnar og færa kristindómssannindin í þær flíkur, sem bezt
henti til þess að þau geti orðið dýrleg lífssannindi fyrir þá,
er við þeim eiga að taka.
Þessvegna hefir svo margt í guðfræðinni verið sífeldum
breytingum háð. Má taka hvaða kenningu kristindómsins sem
vera vill til þess að sýna fram á þetta. Nægir að benda á,
hve um það hefir verið deilt, hvað væri frumeiginleiki Guðs,
í hverju sönn trú væri fólgin, hvað tæki við eftir dauðann,
hver Jesús Kristur hafi verið o. s. frv.
Hvergi er þetta bersýnilegra en þegar Krist-fræðin er at-
huguð.
Þar eru mörg atriði, sem um hefir verið deilt, og það af
þeim, sem samhuga hafa játað, að Jesús Kristur hafi verið
Guðs sonur og æðsta opinberun himneska föðurins.