Prestafélagsritið - 01.01.1925, Page 61
Prestafélagsritiö.
EVANGELISKT VIÐHORF.
Synoduserindi, flutt 27. júní 1925
af séra Árna Sigurðssyni.
Herra biskup! Virðulega prestastefna!
Fyrir nokkrum mánuðum kom hér út bók eftir Halldór
Kiljan Laxness, gamlan kunningja minn, er hann nefndi »Ka-
þólsk viðhorf*, og út var gefin með »imprimatur« (árituðu
prentunarleyfi) æðsta manns kaþólska trúboðsins hér á landi.
Þó að þeirrar bókar verði að nokkru getið hér síðar, og þó
að fyrirsögn þessa erindis minni á nafn hennar, er þó ekki
ætlunin að gera hana sérstaklega að umtalsefni, þar sem henni
er aðallegá beint gegn mjög svo ókurteisri og ósanngjarnri
árás á kaþólska kirkju, sem jafnframt var árás á kristindóm-
inn yfirleitt.
Fyrirsögn þessa erindis merkir, að hér muni verða rætt um
afstöðu evangelisk-Iúterskrar kirkju til kaþólska trúboðsins.
Orðin »evangeliskur« og »kaþólskur« hafa fyrir undarlega
viðburðanna rás orðið að nokkurs konar andstæðum í kristn-
um heimi í nöfnunum evangelisk kirkja og kaþólsk kirkja.
Og það sýnist ætla að veitast örðugt, þrátt fyrir óskir og ein-
læga viðleitni margra hinna beztu manna, að láta þessar tvær
aðaldeildir kristinnar kirkju taka höndum saman í kærleika
og bróðerni, sameinast um kjarna kristindómsins, svo að hið
»evangeliska« og hið »kaþólska« megi fylla og fullkomna hvert
annað. Og í því sambandi lítur svo út, sem hin rómversk-
kaþólska kirkja hafi »ekkert lært og engu gleymt«, ef það er
skoðun hennar og stefna, sem birtist í kaþólskri bók, útkom-
inni í Þýzkalandi 19241)- Höf. talar þar um þörfina á því að
1) Bitter: Konvertiten-Unterricht, 3. útg. 1924, bls. 221.