Prestafélagsritið - 01.01.1925, Síða 69

64 Árni Sigurðsson: Prest»féia3sritio.
erskir foreldrar (í Danmörku) sæki það fast, að senda börn
sín í hina kaþólsku skóla, og láti sér hægt um það, þótt þau
fái þar kaþólskt uppeldi og taki ef til vill að lokum kaþólska
trú. Síðan kemst hann svo að orði: »Ástæðan til þessa er
sú, að í skólum mótmælenda er aðal-áherslan á það lögð, að
koma inn í barnið sem flestum þekkingaratriðum, svo að
trúarlegt og siðferðilegt uppeldi1) þeirra situr á hakanum. Og
af þessari vist Iúterskra barna í kaþólskum skólum leiðir það,
eigi sjaldan, einkum í sambandi við fyrstu »kommunion« eða
staðfestingu barnanna, að foreldrarnir taki kaþólska trú«
(bls. 13).
Mér virðist þessi orð kardínála íhugunarverð í sambandi
við Landakotsskólann. Hann er víst að mörgu leyti sæmilega
góður skóli, heldur uppi allgóðum aga og reglu, og leitast
við að hafa siðferðileg áhrif á börnin.
Eg veit nú að vísu ekki, hversu mikil áhrif Landakotsskóli
hefir haft í þá átt, sem kardínáli talar um. En þó veit ég með
fullri vissu, að þau eru nokkur. Eg veit t. d. með fullri vissu
um eina fjölskyldu, sem gerst hefir kaþólsk aðallega vegna
barnanna, til þess að tryggja þeim uppfræðslu þar í Landa-
koti. Og slíkt hið sama veit ég um nokkur börn, sem orðið
hafa kaþólsk beinlínis fyrir áhrif skólans, stundum þó í sam-
bandi við örðugar ástæður foreldranna. Og það liggur beint
í augum uppi, að megin-áherzlan sé á það Iögð að ná valdi
yfir sálum barnanna, því að þar er framtíðin. Og ég efast
ekki um að drjúg áherzla sé á það lögð, enda þótt varlega
sé að öllu farið. Ef vér eigum tal við einhvern meðlim safn-
aðarins kaþólska, og spyrjum, hvernig starfið gangi, þá er
svarið: »Það gengur alt í áttina! Við fáum börnin smátt og
smátt, og það er gott«. Já, víst er það gott, að fá börnin.
Það er betra en alt annað. Og það furðar víst engan, þótt
kaþólskir leggi á það hina mestu áherzlu. Og ég efast ekki
um, að þeim verði nokkuð ágengt í því efni með tilhjálp
skólans. Til stuðnings því langar mig að nefna nokkrar tölur
1) Auðkent af mér. Á. S.