Prestafélagsritið - 01.01.1925, Page 102
Prestafélagsritiö.
Kirkjugarðarnir.
97
hvernig görðum verði bezt og smekklegast hagað skal vitnað
í grein eftir Felix Guðmundsson í Prestafélagsr. 1922, bls.
66, en hann hefir kynt sér þetta mál alt mjög rækilega. Þar
er og talað um minnismerki í görðum. Á bezt við að þau
séu látlaus og svo úr garði gerð, að þau haldist óskemd, því
brotnir krossar, sligaðar girðingar og fallnar, snaraðir steinar
og annað slíkt er mjög mikið til lýta í görðum, en víða er
einmitt getið um slíkt, og yfirleitt sýnist vera nærri eins mikið
af skemdum minnismerkjum eins og óskemdum.
7. Er kirkja í garðinum eða utan garðs?
Svörin sýndu, að mjög eru áhöld um hvort algengara sé,
að kirkja sé í garði eða utan garðs, og þó heldur fleiri
innan garðs.
Um það hvort réttara sé, verður engin föst regla gefin.
Persónulega finst mér miklu viðkunnanlegra að kirkjan sé í
garðinum, og tel réttara að svo sé, þegar því verður við
komið. En á hinn bóginn er sú nauðsyn ekki meiri en svo,
að sjálfsagt er að haga því öðruvísi ef bersýnilegt er að
kirkjustæðið er hentugast á einum staðnum og kirkjugarðs-
stæðið á öðrum. Eg hef séð kirkju í einu horni kirkjugarðs.
Notast þá veggir hennar til girðingar, og ef um vandaðan
steypugarð er að ræða er það nokkur sparnaður, og auk
þess getur þetta farið vel ef smekklega er frá gengið.
Eftirmáíi. Hvað á að gera?
Kirkjugarðarnir eru ekki nálægt því eins og þeir ættu að
vera. Hvað á að gera til þess að koma þessu máli í lag?
Eg er sannfærður um að í þessu efni dugar ekki nema
eitt, en það mundi á hinn bóginn víðast hvar nálega einhlítt,
02 það er áhugi prestanna í þessu efni og sívakandi athygli
þeirra og áminningar. Sjálfsagt er það, að sumstaðar verður
i'óðurinn nokkuð þungur. En hitt er víst, að bæði í þessu og
öðru, sem kirkjuna snertir, verður að treysta á áhuga og
starf prestanna, annars fer það í kaldakol.
Magnús Jónsson.
7