Prestafélagsritið - 01.01.1925, Side 115

Prestafélagsritið.
TVEIR NORRÆNIR FUNDIR.
PRESTAFUNDURINN í LUNDI OG BISKUPA-
FUNDURINN í VEDBYGAARD
í SEPTEMÐER 1924.
Á fundi sem haldinn var í Noregi 1922 hafði komið til
orða að efna til allsherjar prestafundar fyrir Norðurlönd jafn-
skjótt og því yrði við komið. Mun það hafa verið hugsun
Norðmanna að bjóða til slíks fundar, en Svíar urðu þar á
undan þeim. Snemma vors 1924 kom út boðsbréf frá »A1-
menna sænska prestafélaginu* þess efnis að sækja slíkan alls-
herjar prestafund fyrir Norðurlönd, er halda skyldi í Lundi
dagana 2.—4. sept. Þetta boðsbréf hafði einnig verið sent
prestafélagi voru og jafnframt höfðu þeim, er þetta ritar bor-
ist mjög eindregin tilmæli um ekki aðeins að sækja þennan
fund, heldur að flytja erindi á fundinum.
Þar sem nú stóð til, að ég hvort eð er sækti biskupafund
fyrir Norðurlönd, sem halda skyldi í Danmörku dagana 4.-9.
sept., gat ég ekki vel skorast undan að þiggja nefnt boð, og
það því síður, sem ég vissi, að enginn annar mundi sækja
fundinn héðan að heiman. Eg vissi þá líka, að þeim, sem
fyrir fundarhöldunum gengust, mundi falla það illa, ef eitt af
fimm norrænu löndunum skærist úr leik og ætti sér engan
fulltrúa á fundi þessum. Tilkynti ég því forstöðunefnd, að ég
mundi reyna að koma á fundinn, þótt ég gæti ekki setið hann
allan vegna biskupafundarins, og vitanlega þá um leið verða
við tilmælum þeirra um að tala eitthvað á fundinum og flytja
prédikun í dómkirkjunni.
En nú stóð illa á skipaferðum, og til þess að ekki færi
alt of langur tími í þessa utanför, varð ég að fara til Aust-
fjarða og sitja þar fyrir Goðafoss, sem koma átti norðan um