Prestafélagsritið - 01.01.1925, Side 119

114
Dr. Jón Helgason:
Prestafélagsritiö.
Hófst sú athöfn með því að sungið var einraddað af öll-
um, sem sungið gátu, latínu-bænin, sem hjá oss er brúkuð
við hverja prestvígslu: »Veni, sancte spiritus! Reple tuorum
corda fideliumU o. s. frv. — — Þá talaði formaður forstöðu-
nefndarinnar fyrv. dómprófastur og prófessor Pfannenstill og
gerði grein fyrir tilgangi fundarins, og skilyrðunum fyrir að
fundur eins og þessi gæti orðið að verulegum notum og
guðsríki til eflingar, þ. e. orðið fundur í anda heilagrar al-
mennrar kirkju og henni til gagns, — en skilyrðin taldi hann
þessi þrjú: »in necessariis unitas, in dubiis libertas, in omni-
bus caritas*.
Þótti dómprófasti segjast mæta vel og var gerður hinn
bezti rómur að orðum hans.
Þá steig upp í ræðustólinn dr. Ludvig Lindberg biskup í
Váxjö, formaður »Almenna sænska prestafélagsins*, vitur
maður og vænn álitum, og prýðilega máli farinn. Bauð hann
allan þingheim velkominn, en beindi að upphafi orðum sínum
sérstaklega að Gustaf Adolf konungsefni Svía og konu hans,
er sátu þennan fyrsta fund prestaþingsins.
Þá fór fram kveðjuflutningur til fundarins af hálfu fulltrúa
hvers lands. Fyrir dönsku kirkjuna var Anders Rud biskup á
Fjóni kveðjuflytjandi, fyrir norsku kirkjuna ]. F. Gjesdahl,
sóknarprestur í Osló og formaður norska prestafélagsins, fyrir
íslenzku kirkjuna sá er þetta skrifar, því að þar var ekki
öðrum á að skipa, þar sem ég var aleinn frá mínu landi, og
fyrir finsku kirkjuna fyrverandi kenslumálaráðherra Finna V.
Loimaranta prestur frá Helsingfors. Á eftir hverri kveðju,
sem flutt var, sungu menn þjóðsöng hlutaðeigandi lands.
Þannig var »EIdgamla ísafold* sungið á eftir minni ræðu, en
því miður skaðskemt af prentvillum.
Að loknum þessum ræðuhöldum flutti stiftsprófasturinn í
Hróarskeldu, dr. Martensen-Larsen, fyrirtaks erindi um »sér-
kenni hins evangeliska kristindóms*, ég held mér sé óhætt
að segja langsamlega bezta erindið, sem flutt var á þessari
norrænu prestastefnu.
Kl. 3 var fundarhlé gert til kl. 7 um kvöldið. Vorum við