Prestafélagsritið - 01.01.1925, Page 152

Prestiféiagsritið. Múhameð og íslam. 147
fengi þar sama stað. Áður en lýst verður upprisu og dómi,
verður að fara fám orðum um dauðann og lífið eftir dauðann
alt til efsta dags. Þegar líkaminn er lagður í gröfina, veitir
engill honum viðtöku og býr hann undir komu rannsóknar-
englanna; þeir heita Monker og Nakir og eru hræðilegir á-
sýndum. Þeir rannsaka trú hins dána líkama(!) á einingu
Guðs og köllun spámannsins. Meðan rannsóknin fer fram,
reisa þeir líkamann við og láta hann sitja uppi. Þess vegna
er það víða siður meðal Íslamíta, að hafa holar grafir, svo
að líkin megi setjast upp. Ef englarnir fá sæmileg svör, lofa
þeir líkamanum að hvíla í friði, ella lemja þeir gagnaugun
með járnsprota, svo að líkaminn æpir í angist, svo að heyrist
um víða veröld — en menn heyra það ekki. Þá hylja þeir
líkamann moldu, en syndir hans breytast í orma, sem naga
og eyða hinu vantrúaða líki. Ef spurt er, hvernig rannsókn
þessi megi fara fram á þeim, sem brenna eða verða óarga-
dýrum að bráð, er svarið þetta: Vér skiljum ekki hvað fram
fer hinumegin grafar, þessir geta verið háðir sama lögmáli
og hinir, ekki þarf annað en vekja til lífs ofurlítinn hluta lík-
amans, er skilið geti spurningar englanna. Þegar engill dauð-
ans hefir leyst sálina frá líkamanum, kemst hún í það ástand
sem heitir Al-Berzakh, þ. e. millibilsástandið frá dauða til
dóms. Hafi hinn dáni verið trúaður, koma englar 2 og flytja
sálina til himins og búa henni hæfilegan stað. Sálir spámanna
komast þegar í Paradís. Sálir píslarvotta hvílast í gerfi grænna
fugla og eta af ávöxtum og drekka af elfum Paradísar. Um
afdrif annara sálna trúaðra manna eru mjög skiftar skoðanir.
Er svo að sjá, að sumir telji þær hafast við hjá gröfunum,
en aðrir telja þær dvelji í fyrsta himni hjá Adam og enn
aðrir segja, að þær hvíli í hvítum fuglum, undir hásæti Guðs.
Sálir vondra manna fá stað í dýflissu undirheima. — Sumir
ætla að upprisan sé aðeins andleg, fólgin í heimför sálarinnar
þangað, sem hún áður var. Um upprisu líkamans er þá ekki
að ræða. Þessi var t. d. skoðun Ebú-Sína (Avicenna) og er
kölluð hin heimspekilega skoðun. En rétttrúaðir menn trúa á
upprisu líkama og sálar. Upprisan fer fram á efsta degi. Mú-