Eimreiðin - 01.01.1952, Side 25

GUÐMUNDUR FRÍMANN:
Kvæðið
um Jón Óttarsson.
Fórst í Blöndugljúfrum,
fordrukkinn, anno 166
GuÖmundur Frímann.
Kólguveður, krapafjúk.
Kvæðalestur foraðsvinda
flutti nóttin heiði og hnjúk,
hríðin batt þeim hvíta linda.
Öll var nóttin full með fár —
furðunótt með dauða og grandi.
„Roðavetur, undraár",
urðarmánaglæta í landi.
Yfir klungrin ömurleg —
ófær klif með hengiflugi,
fórst þú einn um farinn veg,
flökkumaður bersyndugi.
Samt var þér í hamsi heitt,
hjá þér engin sorg að verki,
þráðir allt og ekki neitt,
— úlpuvasinn bar þess merki.