Ægir - 01.05.1914, Blaðsíða 2

50
Æ G IH
Svo segir í »Háeyrardrápu«:
Vaskra formanna
foringi er hann,
peirra er ýta
frá Eyrarbakka.
Eins og höfðingi
ai þeim ber hann.
Fjölmargir honum
fjör sitt þakka.
Skýrsla,
til Fis]dfjeltig8 íslands um ársfjórðung-
inn 1. jan. til 31. mars 1914.
Miðvikudaginn 28. jan. fór jeg að
heiman og kom lil Reykjavikur að
morgni hins 30.
Þriðjudaginn 3. febrúar, var jeg á árs-
fundi Fiskifjelags íslands fyrir hönd
Fiskifjelagsdeildar Dýrafjarðar.
Hinn 6. febr. fór jeg með »Sterling«
til Vestmannaejrja og kom þaðan aftur
með »Botniu« hinn 9. s. m.
Hinn 8. febr. hjelt jeg fund í Vest-
mannaeyjum og flutti þar erindi um
sjávarútveg. Fundurinn var fámennur og
olli því bæði það, að nokkrir fóru á sjó
þann dag og þó öllu fremur liitt, að
»Botnia« kom frá útlöndum skömmu
áður en fundurinn byrjaði.
9.—11. febr. var jeg heima í Reykja-
vik, en hinn 12. lagði jeg af stað suður
í Voga. Hafði jeg áður símað til Ás-
mundar í Hábæ og beðið hann að hoða
til fundar.
Hinn 13. hjelt jeg fund á Brunnastöð-
um og flutti þar erindi, en fundurinn
var fremur fámennur, því svo óheppilega
hafði tekist til, að fundarboðið hafði
ekki borist um allan hreppinn og fund-
ardaginn var bylur. Virtust mér menn
þar hafa mikinn áhuga á fjelagsmálum.
Hinn 14. febr. hjelt jeg aftur heim til
Reykjavíkur og dvaldi heima hinn 15.
og 16. febr.
Hinn 17. febrúar lagði jeg af stað
austur um heiði til Eyrarbakka og
Stokkseyrar. Til Eyrarbakka kom jeg
hinn 18. og flutti þar fyrirlestur hinn 20.
febr. Á þeim fundi var mjög ijölmennt,
líklega um 200 manns.
Eftir fyrirlesturinn urðu allfjörugar
umræður og virðast Eyrbekkingar all-
miklir áhugamenn, enda er íiskiQelags-
deild þeirra hin langstærsta hjer á landi,
yíir 220 meðlimir. A sú deild vöxt sinn
og viðgang mjög að þakka Guðmundi
Isleifssyni á Háeyri, sem er einhver
mestur sægarpur hér á landi og áhuga-
maður um alt, er að sjávarútvegi og
fiskiveiðum lýtur.
Laugardaginn 21.febr. hjelt jeg fund á
Stokkseyri og flutti þar fyrirlestur. Fund-
armenn munu hafa verið um 70 og dró
það mjög úr aðsókn að fundinum að
veður var hið versta; hörku-frostbylur
með alt að 14 st. frosti. Á fundinum
gengu milli 20 og 30 nýir meðlimir í
deildina þar á staðnum.
Sunnudaginn 22. hjelt jeg aftur til
Eyrarbakka og síðari hluta dags lögðum
við Ólafur Sveinsson upp áleiðis til
Reykjavíkur og komum þar að kveldi hins
23. febrúar. Frá 24. til 27. febrúar var
jeg um kyrt i Reykjavík.
Laugardag 28. febrúar fór jeg með
»Ceres« til Vesturlandsins.
Laugardag 7. mars flutti jeg fyrirlestur
á Þingeyri, i Fiskifjelagsdeild Dýrafjarðar.
Á fundinum gengu 6 menn í deildina
og hefir hún nú, að þvi er gjaldkeri
hennar skýrði mjer frá, 64 meðlimi.
Þótt deild þessi sje kend við Dýrafjörð,
þá er enginn meðlimur í henni utan
Þingeyrarhrepps.
Eiga hreppsmenn þar nú 9 vjelarbáta.