Ægir - 01.02.1976, Blaðsíða 24

það vitaskuld ekki góðu um veiðarnar á kom-
andi hausti, en allt er nú þetta á uppleið,
segir hann.
Þroskastríðið.
í núverandi þorskastríði hefur mikið geng-
ið á í desember og það sem af er janúar.
Fyrsta herskipið kom á miðin þann 26. nóv-
ember og síðan önnur tvö í viðbót og enn er
að geta þriggja dráttarbáta. Þessum mikla
verndarflota hefur lánazt að vernda brezku
togarana við veiðamar all-sæmilega, en ónæð-
issamar eru þær þó Bretunum, því að þeir
hífa ekki aðeins upp í dauðans ofboði, þegar
varðskip nálgast, heldur hvaða skip sem er
svo sem flutningaskip, rannsóknarskip eða
jafnvel fiskibátar. Heildarafli Bretanna frá
því að samningar runnu út 13. nóvember mun
vera heldur meiri nú en á sama tíma í fyrra,
en þess ber að gæta, að sókn þeirra nú er að
minnsta kosti fjórðungi — ef ekki þriðjungi
meiri en í fyrra á þessum tíma. I fyrra í des-
ember og janúar voru Bretar hér yfirleitt
með 20—40 togara en nú 40—60 að jafnaði
á miðunum.
Einhverju kann að valda um þessa auknu
sókn, að þeir vilji sýna okkur svart á hvítu,
að þeir geti veitt hér undir herskipavernd,
en einnig kann nokkru að ráða um þetta að
þeir séu búnir með kvóta sinn í Barentshafi
og veiði treg í Hvítahafinu og við Norður-
Noreg, enda hefur þar ekki orðið vart við
togara undanfarið, segir í nýlegum Fiskara.
Sóknarþunginn hér hefur jafnan markast all-
verulega af því hvernig aflabrögð gerast á
áðurnefndum miðum.
Þeir þurfa svo sem ekki mikinn afla, brezku
togararnir, eins og fiskverð hefur verið und-
anfarið á brezka markaðnum. í byrjun des-
ember seldi Ross Trafalgar í Húll 1764 kits
eða um 112 tonn eftir 21 dags veiðiferð á
íslandsmið og söluverðið var 38.445 sterlings-
pund en það er jafngildi um 13 milljóna ísl.
króna og meðalverð þá verið 117 krónur pr.
kg. Verðið fór þó enn hækkandi fram eftir
desember. í næstu viku seldi Ross Kelvin
afla af íslandsmiðum á 138 króna meðalverði
og þannig hafa sölurnar tíðum verið í haust
eftir að þorskastríðið hófst, en þorskastyrj-
aldir hleypa jafnan upp fiskverðinu sem kunn-
ugt er.
Hamlað skipakaupum erlendis frá.
í endaðan nóvember (25) ákvað rikisstjórn-
in að hamla gegn frekari skipasmíðum og
kaupum með því að hætta að veita ríkisábyrgð
(13,3%) fyrir fiskiskipum byggðum erlendis.
Ný nefnd.
Síðla í desember skipaði sjávarútvegsráð-
herra nefnd til að gera tillögur um stjórn á
fiskveiðum okkar Islendinga með tilliti til
hinnar „svörtu skýrslu“ Hafrannsóknastofn-
unarinnar um ástand fiskstofnanna. Þetta er
8 manna nefnd. Rétt sem þetta er skrifað
stendur yfir mjög fjölmenn ráðstefna um
sama efni. Vonandi gefur nefndin sér góðan
tíma. Það er hættulegt á erfiðum tímum að
föndra mikið við hefðbundinn atvinnuveg. Það
skapar oftast fleiri vandamál, að minnsta
kosti í byrjun, heldur en leysast, og þó að
aflaleysi sé framundan, þá er áreiðanlega var-
hugavert að gera einhverja gerbyltingu í ís-
lenzkri sjósókn. Það getur haft örlagaríkari
afleiðingar en hundrað þúsund tonna afla-
brestur.
Sú eina „bylting" sem til greina kemur er að
fækka bátum í þorsksókninni með því að finna
þeim önnur verkefni (djúprækju, spærling,
kolmunna, skelfisk), draga úr netasókninni
en auka línusóknina, stækka riðilinn í vörp-
unni og auka veiðisvæði togaranna í stað þess
að þrengja þau sífellt. Það hefur alla tíð verið
óhappastefna og leitt til ofsóknar á viðkvæm
mið en vannýtingar annarra. Svæðaskipting
milli veiðarfæra er allt annað mál.
Auka þarf raunhæft eftirlit á miðunum
bæði til að forða árekstri milli veiðarfæra og
eins til verndunar smáfisks.
Ásg. Jak.
38 — Æ GIR