Ægir - 01.03.1990, Blaðsíða 30

138
ÆGIR
3/90
Hai- og fiskirannsóknir
Sjórannsóknir á fiskimiðum við landið
Allt frá 1970 hefur verið farinn
leiðangur til þess að kanna ástand
sjávar á miðunum allt í kringum
landið. Þessu verkefni hefur
stjórnað Svend Aage Malmberg
haffræðingur við Hafrannsókna-
stofnunina.
í þessum leiðangrum eru
einkum gerðar mælingar á hita-
stigi og seltu á ákveðnum stöðum
til þess að fylgjast með sjógerðum
í heita og kalda sjónum við landið
og breytileika þeirra.
Einn slíkur leiðangur var farinn
20. febrúar til 11. mars síðastlið-
inn. Helstu niðurstöður sem nú
liggja fyrir voru að hlýsjórinn fyrir
sunnan og vestan land var í góðu
meðallagi, heitur og saltur og virt-
ist áhrifa frá landi á sjóinn við
Suðurland gæta lítið.
Hlýsjór fannst aftur á móti ekki
fyrir Kögri og á Norðurmiðum. Þar
ríkti strandsjór og svalsjór (1—2°C;
S ~ 34,6)
Athuganir í sjónum í vetur
(1989-1990) djúpt úti af Norður-
landi benda til svalsjávar á mið-
unum og miðað við fyrri mælingar
líkist þetta ástandinu 1981-1983
sem haffræðingar túlka sem
heldur lélegt ástand. Rekja má
þetta ástand víðar nyrst í Norður-
Atlantshafi og Norðurhafi.
Næst verður ástand sjávar á
miðunum við landið athugað í
vorleiðangri í maí/júní 1990.
I leiðangrinum í vetur var einnig
hugað að straummælingalögnum í
Grænlandshafi í samvinnu við
Breta. Fimmtán straummælar á
fimm lögnum voru teknir upp og
lagt aftur suður af Dohrnbanka.
Tilgangur mælinganna tengist
alþjóðlegum rannsóknum í heims-
höfunum (WOCE) á þessum slóð-
um til þess að mæla streymi kald-
sjávar úr Norðurhafi í Norður-
Atlantshaf (overflow). Til gamans
má geta þess að straumfallið við
botn í Grænlandshafi telst vera
mesti „foss" jarðar, með streymi
sem er sambærilegt við 20 Ama-
zonfljót.
Leiðangursmenn og áhöfn á Bjarna Sæmundssyni í viö-
bragðsstöðu.
Sjórannsóknir á Bjarna Sæmundssyni í vetrarleiðangri.