Tímarit lögfræðinga - 01.11.1973, Page 34

Frá
Lögfræáingafélagf
Íslands
ERFIÐLEIKAR í SKIPULAGSMÁLUM
Frá því er sagt á öðrum stað í þessu hefti, að stofnað hafi verið Félag há-
skólamenntaðra starfsmanna stjórnarráðsins og að það hafi sótt um inngöngu
í Bandalag háskólamanna (BHM). Nýjar reglur um samningagerð um kjör ríkis-
starfsmanna í lögum nr. 46/1973 hafa leitt til þessarar félagsstofnunar, en þær
reglur voru rækilega skýrðar í síðasta hefti tímaritsins. Lögfræðingar í stjórn-
arráðinu vilja byggja félagið, sem fyrir þá semur, á vinnustaðargrundvelli og
ekki fela lögfræðingafélaginu gerð sérkjarasamnings fyrir sig. Mál þetta var
rætt á fundi í stjórn lögfræðingafélagsins 6. september s.l. Þá hafa menn
úr stjórninni rætt við stjórn hins nýstofnaða félags og við stjórn BHM. Á
fundunum hefur því verið haldið fram af hálfu lögfræðingafélagsins, að veiga-
mikil rök mæltu þegn því fyrirkomulagi, sem stjórnarráðsstarfsmenn vilja
hafa: það veikti lögfræðingafélagið bæði sem stéttar- og fræðafélag og það
veikti BHM, þar sem dreifing krafta hlyti einnig að hafa áhrif á heildar-
samtökin. Á stjórnarfundinum 6. september var samþykkt að fela fulltrúum
lögfræðingafélagsins í fulltrúaráði BHM að leggjast gegn aðild hins nýja
félags stjórnarráðsstarfsmanna að bandalaginu.
Stjórnarráðsstarfsmenn eru margir lögfræðimenntaðir sem kunnugt er, svo
að hér er um mál að ræða, sem varðar mjög Lögfræðingafélag íslands. Aðrir
hópar, þar sem lögfræðingar eru fjölmennir, hafa ekki stofnað félög í til-
efni hinna nýju reglna um kjarasamninga. Hins vegar hafa nokkrir sýslumenn
og bæjarfógetar sagt sig úr lögfræðingafélaginu nýlega, og nokkrir hafa getið
þess, að það sé vegna kjaramála. Um kjör þeirra, sem ekki eru í lögfræð-
ingafélaginu eða öðru félagi í BHM fer eftir einhliða ákvörðun fjármálaráð-
herra, sbr. 4. gr. 2. mgr. laga nr. 46/1973.
Þór Vilhjálmsson
AÐALFUNDUR
Aðalfundur Lögfræðingafélags islands verður haldinn í Lögbergi ki. 17
fimmtudaginn 13. desember. Á dagskrá eru venjuleg aðalfundarstörf, þ. á m.
lagabreytingar.
32