Tímarit lögfræðinga - 01.11.1973, Blaðsíða 36

ekki í sér, að stigagjöf skuli vera sú sama og nú er, en endurmat er verkefni
einstakra félaga við gerð sérkjarasamninga. Þá er lagt til, að starfsþjálfunar-
þrep verði lögð niður og starfsmaður fari því strax í þann launaflokk, sem starf
hans er metið í. Nú byrja menn 1—4 launaflokkum neðar vegna reglnanna
um starfsþjálfunarþrep.
í launakröfum BHM er gert ráð fyrir tilteknu sambandi milli stigafjölda
starfa og launaflokka og milli launaflokka og launafjárhæðar. Störf í efstu
launaflokkum eru metin í stigum, en skv. núgildandi kerfi er hætt að meta til
stiga í 28. launafiokki. Þá er gert ráð fyrir nýjum launafiokkum, ef stig verða
fleiri en 825. I kröfum BHM samsvarar 1. launaflokkur 20. flokki skv. núgildandi
kerfi. Bil milli launaflokka er 5,27%.
Þar sem reynslan hefur verið sú, að háskólamenn, sem starfa hjá ríkinu,
hafa orðið fyrir verulegum kjaraskerðingum vegna ýmiss konar ráðstafana,
er hafa haft áhrif á kaupgreiðsluvísitölu, eru í kröfum BHM nú allýtarleg
ákvæði um vísitöluna. Er þar reynt að tryggja, að fyrri atburðir endurtaki sig
ekki.
í kröfum BHM er krafist nokkurrar lengingar orlofs með auknum starfs-
aldri. Þá er þess krafist, að laugardagar verði ekki iaidir með orlofsdögum,
enda eru þeir nú orðnir almennir fridagar. Þá er krafist 0,25% af launum í
orlofsheimilasjóð, svo og stofnframlags í sjóðinn, sem samsvari því, er orlofs-
heimilasjóður BSRB hefur fengið hingað til.
Kröfur BHM um kauphækkun eru byggðar á þessum rökum: Þegar siðustu
samningar voru gerðir í desember 1970, fengu ríkisstarfsmenn ekki kauphækk-
un til jafns við frjálsan markað. Uppbótar er þörf vegna vísitöluskerðingar,
sem háskólamenntaðir ríkisstarfsmenn hafa orðið fyrir frá 1970. Afkoma
þjóðarbúsins hefur batnað á gildistíma samningsins frá 1970, og að auki skal
tekið tillit til afkomuhorfa næstu 2 árin. Er áætlun um það atriði höfð til við-
miðunar í kröfugerðinni.
Bandalag háskólamanna sagði upp samningum og lagði fram kröfur sínar
1. september s.l. Fyrsti samningafundur var ekki boðaður fyrr en 27. septem-
ber, og kom þá ekki fram gagntilboð frá samninganefnd ríkisins. Má segja,
að á þessum fundi hafi ekkert markvert gerst. Sáttasemjari ríkisins tók
kjaradeiluna til meðferðar 1. október í samræmi við 2. mqr. 12. gr. laga nr.
46/1973.
1. fundur hans og samninganefnda BHM og ríkisins var haldinn 9. októ-
ber s.l. Á þeim fundi lagði samninganefnd ríkisins fram tillögur um nokkur
minni háttar atriði, en meginatriði krafna BHM fengust ekki rædd. Á öðrum
fundi samninganefndanna 17. október s.l. kom fátt nýtt fram, nema að samn-
inganefnd ríkisins væri þeirrar skoðunar, að ekki bæri að hafa starfsmats-
kerfi til hliðsjónar við ákvörðun launa. Skömmu áður en þriðji fundur aðila
var haldinn barst formanni samninganefndar BHM ,,tilboð“ frá samninga-
nefnd ríkisins. Var þar boðin 2—4% kauphækkun fyrir háskólamenn, auk
þess var þar um nokkrar breytingar á minni háttar atriðum að ræða. Samn-
inganefnd BHM samdi þá drög að samningi, þar sem nokkuð var gengið til
móts við ,,tilboð“ samninganefndar ríkisins. Þessi drög voru síðan rædd á
fundinum, en engin viðbrögð fengust við þeim. Á þessum fundi kom það
fram, að BSRB hafði beðið um, að kjaradómsmeðferð yrði frestað til 20.
desember og var samninganefnd BHM innt eftir því, hvort hún gæti fallist
34