Tímarit lögfræðinga - 01.11.1975, Síða 25
IV. Landssamböndin
Landssamböndin eru átta talsins, en þau eru: Landssamband ís-
lenskra verslunarmanna, Landssamband vörubifreiðastjóra, Málm- og
skipasmíðasamband Islands, Rafiðnaðarsamband Islands, Samband
byggingamanna, Sjómannasamband Islands, Verkamannasamband ts-
lands og Landssamband iðnverkafólks. Flest þessara landssambanda
hafa verið stofnuð á s.l. 15 árum, eða eftir að skriður komst á skipu-
lagsbreytingar þær innan ASl, sem lokið var að mestu við á þingi ASl
árið 1968. Landssamböndin eru í eðli sínu starfsgreinasambönd. Þau
eru ekki svæðisbundin, heldur tekur hvert landssamband til landsins
alls, þ. e. allra verkalýðsfélaga í landinu í viðkomandi stai'fsgrein, sem
eru innan ASl. Þess ber þó að geta, að sama verkalýðsfélagið getur átt
aðild að tveim landssamböndum, einkum ef um er að ræða deildaskipt
verkalýðs- og sjómannafélag. Þá er verkalýðsdeildin í Verkamanna-
sambandi Islands, en sjómannadeildin í Sjómannasambandi Islands.
Einnig verður að hafa í huga, að félögum í ASÍ er ekki skylt að vera í
landssambandi. T. d. eru nokkur verkamannafélög á Vestfjörðum utan
Verkamannasambands Islands. Innan landssambandanna hefur Lands-
samband vörubifreiðastjóra nokkra sérstöðu, þar sem sambandið er í
senn félagasamband og landsfélag.
Meginhlutverk landssambandanna er:
1. að sameina alla starfandi launþega í viðkomandi starfsgrein og
koma fram fyrir þeirra hönd.
2. að beita sér fyrir samræmingu kjarasamninga sambandsfélaga
og samstilltum aðgerðum þeirra við samningsgerð um kaup og
kjör.
3. að beita sér fyrir gagnkvæmum stuðningi sambandsfélaga hvert
við annað í vinnudeilum og hvers konar deilum um kaup og kjör.
4. að vinna að bættum aðbúnaði og öryggi á vinnustöðum.
5. að vinna að fræðslustarfsemi og gagnaöflun til notkunar í kjara-
baráttunni, veita sambandsfélögunum hverskonar fyrirgreiðslu
og fjalla um málefni atvinnuleysistrygginga- og lífeyrissjóða.
Landssamböndin gegna nú veigamiklu hlutverki innan verkalýðs-
hreyfingarinnar. Þau hafa eflst á síðustu árum. Öll reka þau skrifstof-
ur í Reykjavík.
Landssamböndin halda þing annað hvoi't ár. Þar mæta fulltrúar fé-
laganna, sem kjósa sambandsstjórn, er hefur æðsta vald i málefnum
sambands milli þinga.
119