Tímarit lögfræðinga - 01.12.1979, Blaðsíða 53

Blóðsýni voru tekin úr æð (venu) í olnbogabót á mín 0 (rétt áður
en áfengisblandan var drukkin), á mín. 15 (5 mín. eftir að áfengis-
blandan hafði verið drukkin) og á mín. 30, 60, 90, 120 og' 150. Síðasta
blóðsýni var þannig tekið 140 mín. eftir að áfengisdrykkju lauk. Blóð-
sýni voru tekin í glerglös og segavarin með heparíni.
Þvagsýni voru tekin við lok tilraunar eða sem næst á mín. 150. Einn
stúdent þurfti auk þess að kasta af sér þvagi fyrir þennan tíma í báð-
um hlutum tilraunarinnar og annar í öðrum hluta tilraunarinnar.
Alkóhól var ákvarðað í blóðsýnum og þvagsýnum með alkóhól-
dehýdrógenasaaðferð, sem Brink, Bonnichsen & Theorell (1954) hafa
lýst, með áorðnum bieytingum.
Niðurstöðutölur
Niðurstöðutölur úr fyrri hluta tilraunarinnar eru sýndar á mynd 1.
Þar sést, að hámarksþéttni var mest hjá stúdent nr. 2, en var lægst hjá
stúdent nr. 4. Athyglisvert var, að hámarksþéttni hjá stúdent nr. 2
varð fyrst náð á mín. 120, en varð þegar náð á mín. 60 hjá nr. 4. Hjá
nr. 1 og 3 varð þéttni mest á mín. 90. Hámarksþéttni var að meðaltali
1,33%0.
Magn alkóhóls í þvagi var einnig greinilega mest hjá nr. 2 (1,86%0),
Það var nokkru minna hjá nr. 3 og 1 (1,76 og 1,70%0), en var lang-
minnst hjá nr. 4 (1,04%0).
Niðurstöðutölur úr síðari hluta tilraunarinnar eru sýndar á mynd
2. Hámarksþéttni var mun lægri en í fyrri hluta tilraunarinnar eða
einungis 0,84%0 að meðaltali. Líkamsþyngd stúdentanna var hins veg-
ar nær óbreytt frá fyrri hluta tilraunarinnar. Athyglisvert var, að
minnst alkóhól virtist vera í blóði nr. 2. Var það öfugt við niðurstöðu-
tölur úr fyrri hluta tilraunarinnar, en þá var mest alkóhól í blóði nr. 2.
Svo virtist sem hámarksþéttni kæmi fyrr í síðari hluta tilraunarinnar
en í fyrri hluta.
Magn alkóhóls í þvagi var sömuleiðis mun minna í síðari hluta til-
raunarinnar en í fyrri hluta. Þéttni var mest hjá nr. 3 (1,19%0), en
minnst hjá nr. 4 (0,74%0). Þéttni var mitt á milli hjá nr. 2 (0,86%o)
og nr. 1 (0,83%o). Þéttni alkóhóls í þvagi var þannig að meðaltali
1,59%0 í fyrri hluta tilraunarinnar, en 0,90%o í síðari hluta.
Alkóhól var ekki í blóðsýnum, sem tekin voru í upphafi (mín. 0).
Umræða og ályktanir
Tilraunir hafa sýnt, að eftir áfengisdrykkju fi’ásogast alkóhól mun
síður frá maga en frá skeifugörn og mjógirni. Frásog frá þessum
209