Tímarit lögfræðinga - 01.12.1979, Síða 62

og Bandaríkjunum. Kom og fram, að stjórnin hafði sent dómsmálaráðuneyt-
inu erindi um símenntun dómara, starfsleyfi og starfsþjálfun, aukinn sveigj-
anleik í störfum þeirra og greiðari tilfærslu milli embætta og milli dómstóla
og stjórnarráðs. Þá greindi hann frá ferð 8 dómara á vegum félagsins í náms-
og kynnisferð til Bandaríkjanna nú í haust. Tveir almennir fundir voru haldnir
og sá þriðji í samvinnu við Lögfræðingafélag íslands.
Upphafsfundinn sátu sem gestir þeir Vilmundur Gylfason dómsmálaráð-
herra, ráðuneytisstjórarnir Baldur Möller og Höskuldur Jónsson ásamt ýmsum
embættismönnum stjórnarráðs, og Þorsteinn Júlíusson, hrl., formaður Lög-
mannafélags íslands. Dómsmálaráðherra flutti ræðu, sem vakti upp töluverðar
umræður síðar á fundinum, en helstu atriða hennar var getið í fréttatíma
útvarps um kvöldið og daginn eftir birtist hún í heild í dagblöðum.
Að loknum eiginlegum aðalfundarstörfum seinni daginn flutti Björn Þ. Guð-
mundsson prófessor erindi um ókeypis lögfræðiaðstoð við almenning. Fóru
fram umræður að loknu máli Björns, sem að endingu svaraði ýmsum fyrir-
spurnum og ábendingum.
Fundinn sóttu dómarar hvaðanæva að af landinu og fjölluðu þeir um hin
ýmsu hagsmuna- og sérmál dómarastéttarinnar.
Dr. Ármann Snævarr hæstaréttardómari var endurkjörinn formaður. Aðrir
í stjórn eru Jón isberg sýslumaður, varaformaður, Ólafur Stefán Sigurðsson
héraðsdómari, ritari, Jón Eysteinsson bæjarfógeti, gjaldkeri, og Hrafn Braga-
son borgardómari, meðstjórnandi.
í beinum tengslum við aðalfundinn gekkst félagið fyrir námsstefnu um
„Stjórnun og rekstur dómsembætta“ á vegum Stjórnunarfélags íslands. Fór
hún fram á Hótel Sögu 5.—8. nóvember s.l., og sóttu hana liðlega 40 félags-
menn. Viðfangsefnið var brotið niður í smærri umræðuefni, og voru fram-
sögumenn rekstrarhagfræðingarnir Hannes Kristján Árnason, Stefán Friðfinns-
son, Sigurjón Pétursson og Sigurður R. Helgason, svo og Brynjólfur Sigurðs-
son fjárlaga- og hagsýslustjóri o. fl. Fimmtudaginn 8. nóvember varð nám-
stefnan hluti aðalfundarins, en þá var fjallað um það, hvernig vinna megi að
breytingu á starfsháttum dómstóla í því skyni að auka afköst þeirra og fá
fram hraðari meðferð mála. Voru framsögumenn dómararnir Hrafn Bragason
og Ólafur St. Sigurðsson, er ræddu málið m.a. í Ijósi reynslu erlendis frá.
Á eftir var pallborðsumræða um það, hverju helst sé ábótavant í stjórnun
dómaraembætta og hvaða leiðir séu til úrbóta. i þeim tóku þátt Benedikt
Blöndal hrl., Bogi Nílsson sýslumaður, Eiríkur Tómasson hdl., Hrafn Braga-
son borgardómari, Sigurður R. Helgason rekstrarhagfræðingur og Björn Frið-
finnsson forstöðumaður fjármáladeildar Reykjavíkurborgar, er stjórnaði um-
ræðum.
Ólafur St. Sigurðsson.
Sýsjumannaféiagið. Aðalfundur var haldinn dagana, sem dómaraþingið
stóð. i stjórn félagsins eru: Böðvar Bragason (formaður), Andrés Valdimars-
son, Friðjón Guðröðarson, Jón Eysteinsson oq Pétur Þorsteinsson.
Dómarafélag Reykjavíkur. í stjórn eru nú: Már Pétursson (formaður), Jón
A. Ólafsson (vara-formaður), Sigurður Sveinsson (ritari), Friðgeir Björnsson
(gjaldkeri) og Auður Þorbergsdóttir (meðstjórnandi).
218