Tímarit lögfræðinga - 01.09.1990, Side 4

M er verðugt umhugsunarefni hvort ekki sé tímabært að endurskoða að
einhverju leyti laganám á íslandi með tilliti til þeirra öru breytinga sem eiga sér
nú stað í samskiptum ríkja í milli einkum í Evrópu. Ekkert er líklegra en þessara
breytinga muni gæta í æ ríkara mæli hér á landi. Því má ekki gleyma að fyrr á
öldum var stór hluti Evrópu eitt samfellt lagasvæði að kalla og svo gæti aftur
orðið á okkar tímum.
Enn má nefna að öll samskipti við erlenda lögfræðinga hafa þýðingu á þessu
sviði. Þau samskipti eru þó yfirleitt nokkuð dýr en svara væntanlega kostnaði.
Það er t.d. þýðingarmikið að norræna lögfræðingamótið er haldið hér á landi í
ár. Á þessum mótum eru ætíð tekin til umræðu mörg fróðleg efni af þekktum
fræðimönnum. Fyrirlestrarnir eru gefnir út á bók og full ástæða að hvetja menn
til þess að eignast hana. Daginn áður en lögfræðingamótið hefst halda norrænir
dómarar fund og taka til umræðu endurmenntun dómara.
Dómarafélag íslands hefur um nokkurt skeið verið aðili að Alþjóðasambandi
dómara og tekið þátt í starfi þess. Að vísu hefur það starf ekki verið kynnt sem
skyldi á landi hér en það stendur vonandi til bóta. Dómarafélag Islands hefur
skipulagt námsferðir dómara til þó nokkuð margra landa.
Lögmannafélag íslands er nýlega orðið aðili að Alþjóðasamtökum lögmanna
og hefur einnig efnt til námsferða til starfsbræðra sinna í öðrum löndurn. Fleira
af þessu tagi mætti nefna til sögunnar þótt ekki verði það gert hér.
Hvað sem þessu öllu líður er sérstök ástæða að hvetja til þess að vakandi auga
sé haft með þeim möguleikum sem kunna að vera fyrir hendi eða opnast
lögfræðingum til þessað halda við þekkingu sinni ogauka hana. Ber þarekki síst
að hafa í huga að allt bendir til þess að sá tími færist óðum nær að íslenskir
lögfræðingar verði í æ ríkari mæli að afla sér þekkingar á og laga sig að
samevrópskum rétti og lagaheimildum.
82