Tímarit lögfræðinga - 01.09.1990, Blaðsíða 42

Á þinginu var ný stjórn alþjóðasamtakanna kjörin. Stjórnina skipa Arne
Christiansen, Noregi, formaður og Philippe Abravanel, Sviss, varaformaður.
Aðrir í stjórn eru Rainer Voss, Vestur-Þýskalandi, Markku Aarola, Finnlandi,
Francis Davis, Brasilíu og Ramon Rodriguez-Arribas, Spáni.
Framkvæmdastjóri alþjóðasamtakanna er Giovanni Longo, Ítalíu.
AUÐKENNARÉTTUR
Menn taka það að vonum óstinnt upp þegar þeir verða þess varir að aðrir hafa
notað leyfislaust nöfn þeirra, firmu eða merki í atvinnurekstri eða auðkenni svo
lík að hætta er á að villst verði á. Vilja menn þá oft leita réttar síns en reka sig þá á
að sett lagaákvæði eru ekki svo skýr og glögg sern skyldi og vandfundin mörk
nafnhelginnar. I tímans rás hefur safnast álitlegur fjöldi dóma sem veitir
leiðsögn um þessi mörk og hafa dómar Hæstaréttar verið sá vegvísir sem
dómarar og lögmenn hafa einkum stuðst við í leit sinni að mörkunum. Yfirlit yfir
þessa dóma hafa gengið milli manna og til þeirra hefur verið gripið þegar á hefur
reynt. Nýlega lauk Júlíus Smári embættisprófi í lögfræði með lokaritgerð um
firmarétt og firmavernd. Af því tilefni tíndi hann saman dóma bæjarþings
Reykjavíkur um firmu og vörunierki. Ritstjórninni sýndist að fengur gæti verið
að því að skrá yfir dóma Hæstaréttar og bæjarþingsins kæmi fyrir augu
lögfræðinga og er hún því birt hér á eftir með góðfúslegu leyfi þeirra sem hafa
unnið að samantekt hennar. Ritstjórninni er þó ljóst að mjög vantar á að skráin
gefi heillega mynd af úrlausnum íslenskra dómstóla þar sem einungis eru í henni
dómar eins héraðsdómstóls. Vonandi verður birting skrárinnar þó einhverjum
hvöt til að rannsaka þetta réttarsvið frekar og þar á meðal réttmæti þess, sem
stundum er staðhæft, að ósamræmi sé í dómsúrlausnum.
Dómar um firmu, vörumerki og nafnrétt
Dómur Umdeild auðkenni Skýringar Lyktir Viður lög
HRD 1923 473 Therma. Vörumerki áfelli sekt
HRD 1934790 Rjómabússmjörlíki. Vörumerki hlutafélags talið fara í bága við 4. gr. I. nr. 32/1933 um tilbúning og verslun með smjörlíki áfelli sekt
BþR 1938 24 01 DÚX - LÚX Vörumerki Lever Bros Ltd v Máninn hf. áfelli
HRD 1938 587 Halli Þór - Vilhjálmur Þór. Valdstjórnin v Halldór Þórarinsson. Ættarnafn áfelli sekt
120