Ægir - 01.10.1996, Page 7

Fiski smalað í trollið
með hljóðbylgjum
Þetta litla tceki smalar fiski í trollið með hljóð-
bylgjum.
Norska fyrirtækið Skipper Electronics
hefur smíðað tilraunaútgáfu af tæki sem
fest er á höfuðlínuna á hefðbundnu fiski-
trolli og gefur frá sér hljóðbylgjur. Fiskur
sem syndir undan trollinu og hyggst
forða sér yfir höfuðlínuna fælist hljóðið
og þannig er tækinu ætlað að smala fiski
í trollið með hljóðbylgjum.
Tækið Iíkist einna helst litlu tundurskeyti
og er fest með stuttri línu við höfuðlínuna.
Það er 137 cm langt og vegur 75 kg. Það send-
ir frá sér hljóðmerki á 12 kHz tíðni og dregur
hljóðið 400-500 metra. Hljóðið er ekki sam-
felldur tónn heldur stuttar og snöggar hrinur.
Tækið er knúið af rafhlöðum sem eiga að end-
ast í 5 klukkutíma.
Þekkt er að hægt er að hafa áhrif á fisk með
hljóðbylgjum en smölun með þessum hætti
hefur ekki verið reynd áður. Skipper hefur
langa reynslu af framleiðslu dýptarmæla, höf-
uðlínusónara og fleiri tækja en þetta nýja tæki
er væntanlegt á markað einhvern tímann á
næsta ári eftir ítarlegar prófanir. Fyrstu til-
raunir benda til þess að afli á togtíma geti auk-
ist um allt að 30%.
Það er fyrirtækið Sínus sem er umboðsaðili
fyrir Skipper á íslandi. Guðni Sigurðsson, ann-
ar eigendanna, sagði í samtali við Ægi að tæk-
ið hefði verið kynnt á nýafstaðinni sjávarút-
vegssýningu og vakið verðskuldaða athygli
skipstjóra og útgerðarmanna. Stefnt er að því
að tækið kosti tæpa milljón íslenskra króna.
Stungið hefur verið upp á nafninu fisksmali
eða ómsmali sem heiti á tækinu.
FISKUR MÁNADARINS
Fiskur mánaðarins er síldin, silfur hafsins (Clupea harengus), og er það
vel viðeigandi þar sem veiðar á sumargotssíldinni eru komnar á fullan
skrið.
Síldin er hávaxin og þunnvaxin. Hausinn er stór, snjáldrið stutt og
munnurinn lítill. Neðri skoltur teygist fram og síldin er því með skúffu og
smáar tennur. Bolurinn er langur en stirtlan stutt. Bakuggi er einn á miðju-
baki en raufaruggi aftarlega. Sporðblaðkan er stór og djúpsýld, hreistrið
stórt og laust og rákin varla sýnileg. Síldin er falleg á litinn, blágræn á baki
með purpurarauðri og fjólublárri slikju. Á hliðum og kviði er hún silfur-
gljáandi með fjólublárri slikju. Trýnið er dökkblátt og uggar gráleitir.
Síldin finnst um
allt Atlantshaf
og allt í kringum
ísland og hefur um
aldir verið mikill
nytjafiskur.
Síldin er uppsjávarfiskur en
hrygnir við botn. Hún lifir allt niður á
200-250 metra dýpi og þolir seltubreytingar
vel. Síldin vill helst hrygna á grófum eða hörðum botni á sandi innan um
steina og möl. Eggin eru botnlæg 1.2 til 1.5 mm. í þvermál og 20-300 þús-
und úr hverri hrygnu.
Síldin étur margar tegundir smádýra, smáþömng, krabbaflær og fleira en
fullorðin síld étur afar mikið af rauðátu.
Heimild: íslenskir fiskar, eftir Gunnar Jónsson.
STÆRRI OG HRAÐSKREIÐARI
LÍNUSKIP /
Norska fyrirtækið Solstrand AS, sem rekur skipasmíðastöð í Tom-
refjord skammt frá Alasundi, hefur lagt mikla áherslu á að smíða línu-
veiðara. A Nor-Fishing sýningunni í haust gátu sýningargestir skoðað
teikningu af 700 tonna línuveiðara, Leinefisk, sem fyrirtækið erað smíða
fyrir samnefnt norskt fyrirtæki. Það sem einkum vakti athygli í hönnun
skipsins var að brúin og yfirbygging var að miklu leyti smíðuð úr áli sem
á að gera skipið léttara og hraðskreiðara.
Þessi nýi línuveiðari mun geta fryst flök um borð og frystilestar rúma
250 tonn af flökum ásamt 35 tonnum af beitu en afkastageta frystitækj-
anna en um 18 tonn á sólarhring.
Þetta nýja skip er afar líkt Tjaldi og Tjaldi II sem voru smíðaðir í Tom-
refjord fyrir Fiskverkun Kristjáns Guðmundssonar. Tjaldarnir eru stolt
skipasmíðastöðvarinnar íTomrefjord og á sýningunni var stórt módel af
öðrum Tjaldinum sem dæmi um glæsilegustu línuveiðara sem stöðin
hefði smíðað.
Fishing New Intemational. júli 1996
ÆGIR 7