Ægir - 01.10.1996, Blaðsíða 8

Vex fiskur um hrygg
Á.M. Sigurðsson færir út kvíarnar
„Það er óhætt að segja að við séum mjög bjartsýnir. Við gerðum
nokkra sölusamninga á sjávarútvegssýningunni og höfum þegar af-
hent nokkrar vélar. Við fengum einnig fjölda fyrirspurna sem við erum
að fylgja eftir og lofa góðu. Við erum að stækka við okkur og verðum
senn í tvöfalt stærra húsnæði," sagði Árni M. Sigurðsson, fram-
kvæmdastjóri Á.M. Sigurðsson, í samtali við Ægi.
Á.M. Sigurðsson framieiðir fjórar
gerðir af sérhæfðum fiskvinnsluvélum
undir nafninu Mesa. Mesa vélar eiga
það sameiginlegt að markmið þeirra
er að auka nýtingu í fiskvinnslu. Mesa
300 er kolaskurðarvél sem sker haus,
rafabelti og sporð af kola. Mesa 300
hentar reyndar mjög vel til snyrtingar
á saltflökum með miklum tímasparn-
aði. Mesa 850 tekur þorskhryggi eftir
flatningu, sker sundmaga og þunnildi
frá og skefur af fiskholdið sem situr
eftir við hrygginn. Mesa 900 vinnur
þorskhausa, sker gellur, kinnar og
klumbur úr hausnum en Mesa 950 er
svokölluð fésvél sem rífur tálknin út,
klýfur hausinn og sker krummann úr
og skilar kinnunum samföstum
ásamt gellunni. Árni er með einka-
leyfi á Mesa 850 og 900 og hann og
Sigurður Örn sonur hans og sam-
starfsmaður smíða allar vélarnar alveg
frá grunni.
„Flestir fiskverkendur sem eru í
kolavinnslu eru með vélar frá okkur.
Saltfiskverkendur hafa keypt mikið af
vélum af okkur og virðast hafa mik-
inn áhuga á bættri nýtingu," sagði
Árni.
Miklu magni af þorskhausum er
hent í sjóinn af frystitogurum og sýn-
ist augljóst að þar sem svigrúm fyrir
aukna nýtingu og þar af leiðandi auk-
in verðmæti. Vélin sem meðhöndlar
þorskhausana tekur ekki rnikið meira
pláss en eitt fiskikar svo plássið ætti
ekki að vera vandamál.
Miðað við úthlutaðan þorskkvóta
ættu að falla til tæp 30 þúsund tonn
af þorskhausum árlega. Aðeins hluti
þeirra kemur á land en um 65% af
þeim hausum sem berast á land eru
Ámi M. Sigurðsson eigandi fyrirtœkisins og
Sigurður Örn sonur hans og samstarfs-
maður.
þurrkaðir í skreið. Ljóst er að með sér-
hæfðum vélum er hægt að auka veru-
lega nýtingu aflans og hlýtur að telj-
ast hrein sóun að henda hausunum
fyrir borð eða setja í bræðslu. Góður
markaður er fyrir gellur á ferskfisk-
markaði en markaðurinn fyrir söltuð
fés, kinnar, sundmaga og saltaðar
þorsklundir fer vaxandi. Árni telur
fullvíst að með bættri nýtingu á
þorskhausum mætti auka verðmæti
aflans um upphæðir sem taldar eru í
hundruðum milljóna. Áætlað hefur
verið að vinna mætti rúm 500 tonn af
söltuðum þorsklundum úr hryggjum
sem falla til við saltfiskvinnslu og er
að jafnaði hent í bræðslu. Góður
markaður er fyrir lundirnar á sömu
mörkuðum og taka við saltfiski.
Á.M. Sigurðsson hefur selt fjölda
véla til útlanda, bæði til Kanada, Ný-
fundnalands, Englands, Nýja-Sjá-
lands, Rússlands, Noregs og víðar.
Móttökurnar hafa verið mjög góðar
og í vor gerði fyrirtækið sérstakt átak
til aukinnar kynningar. Það var gert
með þeim hætti að á ársþingi norskra
saltfiskframleiðenda í vor var haldin
sérstök kynning á vélunum og í fram-
haldi af því voru tvær vélar lánaðar til
Noregs.
„Við höfðum áður selt vélar til Nor-
egs en þeir sem áttu þær þögðu yfir
því eins og hverju öðru leyndarmáli
því með þeim náðu þeir forskoti. Við
erum núna að uppskera góðan árang-
ur af þessari kynningu og fyrirspurnir
og pantanir farnar að berast frá Nor-
egi."
Auk þess að kynna vélarnar fyrir
norskum sölturum voru þær teknar til
rannsóknar hjá rannsóknarstofnun í
Noregi sem kannaði samsetningu
þeirra, frágang og síðast en ekki síst
nýtingu. Niðurstöður þeirra voru
mjög jákvæðar og fyrirtækinu ein-
göngu í hag.
Árni hófst handa við þessa fram-
leiðslu í bílskúr árið 1986 og hans
meginmarkmið var að skapa sjálfum
sér og fjölskyldunni atvinnu og fá
tækifæri til að framleiða eigin upp-
finningar. Hann segir að með stærra
húsnæði verði ef til vill hægt að ráða
fleiri starfsmenn og þá hilli undir að
unnt verði að anna eftirspurn. □
8 ÆGIR