Árbók Háskóla Íslands - 01.01.1980, Page 14

12
Árbók Háskóla íslands
verðbólgan skerði námslán, og erfiðara
verði að fá þau af hennar sökum.
Ekki er heldur að sjá að þær breytingar
sem gerðar hafa verið á skattalögum og
launakerfi á undanförnum árum séu lang-
skólanámi í vil. Enginn vafi er á því að þetta
getur haft þær afleiðingar, þegar til lengdar
lætur, að draga okkur niður á lægra menn-
ingar- og lífskjarastig en ella. Því ríður á að
þið kandídatar góðir snúist á sveif með þeim
sem á undan hafa gengið við að sæma gildi
menntunar, samviskusemi og frumkvæðis.
Hafið þökk fyrir samveruna, og ég óska
ykkur og fjölskyldum ykkar allra heilla á
lífsins braut. Guð og gæfan fylgi ykkur.
Úr ræðu rektors á háskólahátið 28. júní 1980
Herra forseti Islands, forsetafrú, ráðherr-
ar, ágætu gestir.
Ég býð ykkur öll velkomin til þessarar
athafnar í nafni Háskóla íslands.
Nemendafjöldi og starfslið
Nemendum háskólans fjölgaði á þessu
háskólaári um 10,4%, eða um 302, úr 2896 í
3198. Er þetta mikil breyting miðað við
undanfarin þrjú ár, en þá stóð fjöldi nem-
enda nokkurn veginn í stað.
Nokkrir valinkunnir kennarar hafa látið
af störfum fyriraldurssakirogkann ég þeim
bestu þakkir fyrir verk þeirra. Um leið býð
ég nýja starfsmenn velkomna.
Rekstur Háskóla íslands
Sakir erfiðrar stöðu þjóðarbúsins hafa
sárafáar nýjar stöður fengist til háskólans
undanfarin ár. Veldur þetta síauknum
vandkvæðum, ekki síst vegna hinnar miklu
fjölgunar nemenda á sl. vetri, sem áður er
getið.
Fastir kennarar við háskólann eru nú 226,
þar af 56 í hlutastöðum og 7 erlendir lekt-
orar. Stundakennarar eru hins vegar á átt-
unda hundrað. Enn fremur er athyglisvert
að þessir stundakennarar eru ekki alls
kostar sambærilegir við stundakennara í er-
lendum háskólum. Þar eru þeir yfirleitt
menn í framhaldsnámi, sem eru á staðnum
og stunda rannsóknir jafnhliða. Okkar
stundakennarar eru oftast í starfi hjá öðrum
stofnunum eða fyrirtækjum, en sumir
hverjir hafa stundakennslu að aðalstarfi.
Vitaskuld er það mikill kostur og verður
alltaf nauðsynlegt fyrir háskóla í fámennu
þjóðfélagi að geta nýtt kosti sérhæfingar-
innar og leitað í talsverðum mæli til kunn-
áttumanna utan hans. En í öllu má ofgera.
Ríkjandi fyrirkomulag gerir bæði háskól-
anum og stundakennurum lífið erfitt. Þeir
nýtast ekki háskólanum sem skyldi, þar sem
þeir eru ekki á staðnum, og þeir hafa fæstir
aðstöðu til rannsókna, en þær eru nauðsyn-
legur þáttur til að halda sér við og auka
þekkingarforðann. Háskólinn leggur því
mikla áherslu á að fá fleiri fastar stöður í
fjárveitingarbeiðnum fyrir árið 1981, jafn-
framt því sem fjárveitingar til rannsókna
verði auknar. Einnig þarf að fá viðurkenn-
ingu fyrir hækkun rekstrarfjárveitinga al-
mennt til samræmis við verðbreytingar milli
ára.
Framkvæmdir og skipulagsmál
Framundan eru meiri byggingafram-
kvæmdir á vegum háskólans en verið hafa í