Árbók Háskóla Íslands - 01.01.1980, Side 17

Kaflar úr ræðum rektors Háskóla íslands
15
greitt fyrir frekari rannsóknum guðfræð-
inga, málfræðinga og annarra fræðimanna.
Með þessu kemur enn í ljós hlýrhugurOttós
A. Michelsen í garð háskólans, en háskólinn
færir honum jafnframt þakkir fyrir að koma
fótunum undir Reiknistofnun háskólans
með því að hlutast til um að háskólinn fengi
endurgjaldslaust afnot af tölvu frá 1976 þar
til nýverið, jafnframt því sem fé var veitt til
rannsókna á sviði tölvuvinnslu.
Kjör heiðursdoktors
Forseti heimspekideildar lýsir nú kjöri
Haralds Sigurðssonar bókavarðar til heið-
ursdoktors, en háskólaráð hefur einróma
samþykkt erindi heimspekideildar þess efn-
is.
Brautskráning
Að þessu sinni verða brautskráðir 279
kandídatar. Ég ætla mér ekki þá dul að
leggja ykkur. sem nú brautskráist, lífsregl-
urnar. en ætli það geti ekki átt við okkur öll,
hvernig sem högum okkar og störfum er
háttað, sem kemur fram í orðum franska
sagnaritarans de Tocqueville: „Lífið er
hvorki gaman né tregi, heldur alvarlegt
hlutverk, sem okkur hefur verið trúað fyrir
og við eigum að leysa af hendi okkur til
sóma“.
Við ættum, með orðum Sigurðar Nordals,
öll að ganga að störfum okkar með því
hugarfari, „hvert á okkar afmarkaða sviði,
að bæta það þjóðfélag sem við lifum í en
valda engum sársauka að þarflausu, en vera
til þess búin að efla réttlæti, þar sem við
finnum ólæknuð mein, — skilja við hvern
þann reit, sem okkur er trúað fyrir, betur
ræktaðan en við tókum við honum, hvort
sem þessi reitur er lítil ábúðarjörð, einhver
atvinnugrein, embætti í ríkisins þjónustu,
stjórnmálastarfsemi eða menningarstarf og
skapandi andleg vinna. Alls þessa þarf
þjóðfélagið við, að vel sé unnið. — Alveg
sérstakar skyldur hvíla á herðum einstakl-
ingsins í fámennu landi, eins og hér á ís-
landi, þar sem afkoman er völt“.
Hamingjan býr í hjarta manns,
höpp eru ytri gæði.
Guð og gæfan fylgi ykkur, kandídatar
góðir, og fjölskyldum ykkar í bráð og lengd.