Árbók Háskóla Íslands - 01.01.1980, Page 84

82
Árbók Háskóla íslands
sonar og Ingibjargar Guðmundsdóttur var
opnuð laugardaginn 28. júní 1980.
Tónleikanefnd háskólans stóð fyrir fjöl-
breyttu tónleikahaldi starfsárið 1979—80.
Var nefndinni (11.09.80) veittur styrkur að
upphæð 2 millj. kr. til starfsemi sinnar.
Rektor tók þátt í hátíðahöldum í tilefni
150 ára afmælis Chalmers tekniska högskola
í Gautaborg dagana 4.—5. nóvember 1979.
Færði hann skólanum að gjöf frá Háskóla
íslands þjóðhátíðarmynt, sem Seðlabank-
inn gaf út árið 1974.
Húsgögn Einars Benediktssonar skálds,
sem háskólinn á úrdánarbúi hans, þarfnast
algjörrar endurnýjunar. Talið er, að kostn-
aður muni nema [g]kr. 3—4 millj. Háskóla-
ráð samþykkti (07.02.80) að kaupa leður á
húsgögnin og gera tilraun til endurnýjunar
þeirra.
Lyftan í aðalbyggingu háskólans þarfn-
ast endurnýjunar, og nemur kostnaðaráætl-
un við viðgerð hennar 13 millj. [g]kr.
Heimsókn allra deildarforseta
Kaupmannahafnarháskóla
Eins og segir í Árbók Háskóla íslands
1976—79, var haldin samkoma í hátíðasal
háskólans 29. apríl 1979 í tilefni 500 ára
afmælis Kaupmannahafnarháskóla. Á
samkomunni tilkynnti þáverandi rektor,
prófessor Guðlaugur Þorvaldsson, að næsta
háskólaár byði Háskóli Islands fimm fyrir-
lesurum frá Kaupmannahafnarháskóla,
ásamt eiginkonum þeirra, einum frá hverri
deild, til vikudvalar og fyrirlestrahalds við
Háskóla íslands í tilefni afmælisins. Há-
skólaráð Kaupmannahafnarháskóla þekkt-
ist boðið og ákvað, að deildarforsetar hinna
fimm deilda háskólans skyldu fara í för
þessa.
Mánudaginn 21. apríl 1980 komu gest-
irnir til landsins. Dvöldust þeir hér í eina
viku, kynntust landi og lýð og stofnuðu til
tengsla við starfsbræður sína í Háskóla ís-
lands. Mun þetta í fyrsta sinn í sögunni sem
allir deildarforsetar háskólaráðs Kaup-
mannahafnarháskóla dveljast á íslandi
samtímis.
Fimm fyrirlestrar voru haldnir, einn í
hverri deild, og voru þeir vel sóttir. Gestimir
sóttu allir fyrirlestrana hver hjá öðrum, og
var þannig stofnað til kynna yfir deilda-
mörk. Fyrirlestrarnir voru sem hér segir:
Þriðjudaginn 22. apríl kl. 10:30 1 lækna-
deild, prófessor, dr. med. Olav Behnke:
Sundhed, ökonomi og lœgeuddannelse, flutt-
ur í fyrirlestrasal í Landspítala.
Miðvikudaginn 23. apríl kl. 10:15 í guð-
fræðideild, prófessor, dr. theol. Leif Grane:
Den politiske og juridiske baggrund for den
Augsburgske bekendelse 1530, fluttur í V.
kennslustofu háskólans.
Sama dag kl. 15:15 í verkfræði- og raun-
vísindadeild, lektor, dr. phil. Claus Nielsen:
Dvrerigets slœgtskabsforhold, fluttur í Lög-
bergi.
Sama dag kl. 17:15 í lagadeild, prófessor,
dr. jur. H. Gammeltoft-Hansen: Asylret,
fluttur í Lögbergi.
Föstudaginn 25. apríl kl. 17:15 1 félags-
vísindadeild, prófessor, dr. phil. O. Karup
Pedersen: Dansk udenrigspolitik — fra
neutralitet til NA TO, fluttur í Lögbergi.
Á öðrum degi heimsóknarinnar þáðu
gestirnir hádegisverðarboð menntamála-
ráðherra Ingvars Gíslasonar og konu hans,
og síðdegisboð dönsku sendiherrahjónanna.
Á þriðja degi var Stofnun Áma Magnús-
sonar á íslandi heimsótt, handritin skoðuð
og þáðar veitingar. Um kvöldið þann dag og
næsta kvöld höfðu deildarforsetar Háskóla
Islands boð inni á heimilum sínum fyrir
starfsbræður sína og eiginkonur þeirra. Að
morgni föstudags fóru gestirnir í Vestur-
bæjarlaugina og dvöldu við mikla kátínu í
hitapottinum í kafaldshríð, og þótti þeim
slikt hið mesta undur.
Á fimmtudagsmorgun, fjórða dag heim-
sóknarinnar, var flogið til Vestmannaeyja
um morguninn og skoðuð þar vegsummerki
eldgossins undir leiðsögn Páls Zóphónías-
sonar.