Árbók Háskóla Íslands - 01.01.1988, Page 76

74
Árbók Háskóla íslands
átti Þorbjöm stóran þátt í nýtingu hraunhitans
til húshitunar, enda reyndist lítill eðlismunur á
vökvun hrauns til kælingar og vökvun til að afla
gufu til húshitunar, svo lengi sem hraunið var
ekki fullstorkið.
Lengi mætti telja áhugaverð verkefni sem
Þorbjöm átti frumkvæði að og fékk öðrum til
úrlausnar. Hér verður þó að duga tilvísun í á-
gæta bók, t hlutarins eðli, sem lærisveinar hans
tóku saman í tilefni sjötugsafmælis hans og
gefin var út af Menningarsjóði og Eðlisfræði-
félagi íslands 1987. Þótt Þorbjöm helgaði sig
rannsóknum framar öðru, gaf hann sér einnig
tíma til annarra áhugamála. Hann var virkur á-
hugamaður í svifflugi og stórtækur skógræktar-
maður. í Straumshrauni hafa Þorbjöm og Þór-
dís gróðursett tré allt frá árinu 1950 með son-
um sínum. Þar er nú gróskumikill skógarreit-
ur minnisvarði um mikla eljusemi þeirra. Þeg-
ar það land var fullsetið, nam Þorbjöm land
öðru sinni og nú að Skarfanesi í Landsveit, þar
sem fjölskyldan hefur gróðursett tugi þúsunda
plantna.
Þorbjöm fór hægt að sínu, forðaðist sviðs-
ljós og var lítið uppnæmur fyrir fréttnæmu
efni. Hann var sannur brautryðjandi, fullur af
hugmyndum og smitandi áhuga og einstaklega
ósérhlífinn. Hugkvæmni og færni ásamt stað-
festu og fádæma seiglu skiluðu þeim árangri
sem hann er þekktur fyrir. Hann hafði einstakt
lag á að örva menn í starfi og þótti úrræðagóður
þegar til hans var leitað. Oft þurfti aðeins fáar
hnitmiðaðar spurningar til að koma málum á
réttan kjöl.
Háskólinn hefur tekið miklurn stakkaskipt-
um á þeim 30 árum, sem Þorbjöm starfaði þar.
Margir hafa staðið að þeirri framsókn raunvís-
inda sem einkennt hefur þetta tímabil, en þar
verður farsæl vinna Þorbjöms ætíð talin þung
á metunum. Þorbjöm lagði grundvöll að rann-
sóknum í eðlisfræði og jarðeðlisfræði við Há-
skólann og fitjaði upp á flestum þeim þáttum
sem hæst hefur borið í þeirri starfsemi síð-
an. Hann laðaði til sín heila kynslóð verðandi
vísindamanna og fékk þeim hugmyndir sín-
ar í hendur jafnskjótt og hann taldi þær í ör-
uggri höfn. I viðurkenningarskyni fynr þetta
brautryðjendastarf var Þorbjöm kjörinn heið-
ursdoktor Háskóla íslands á 75 ára afmæli skól-
ans 1986.
Sveinbjörn Björnsson
Lausn frá störfum
Læknadeild
Freyju Frisbæk, lektor, veitt lausn frá störfum
að eigin ósk (félagslyfjafræði) 1. sept. 1988.
Hún var skipuð lektor (hlutastarf) 1. jan.
1987.
Guðmundi Bjömssyni, prófessor, veitt lausn
frá störfum fyrir aldurs sakir 31. des. 1987.
Hann var skipaður dósent 1. nóv. 1973 og
skipaður prófessor 1. jan. 1984.
Ingibjörgu Þórhallsdóttur, lektor, veitt lausn
frá störfum að eigin ósk (hjúkrunarfræði)
1. sept. 1988. Hún var skipuð lektor 1. jan.
1985.
Sigrúnu E. Einarsdóttur, lektor, veitt lausn frá
störfum að eigin ósk (sjúkraþjálfun) 1. júní
1988. Hún var sett í stöðu lektors 1. febr.
1986.
Stefáni Ólafssyni, dósent, veitt lausn frá störf-
um fyrir aldurs sakir 31. des. 1987. Hann var
skipaður dósent 24. okt. 1959.
Lagadeiid
Gauki Jörundssyni, prófessor, var veitt launa-
laust leyfi 1. jan. 1988 til fjögurra ára.
Heimspekideild
Áma Böðvarssyni, dósent, var veitt lausn frá
embætti að eigin ósk 7. jan. 1988. Hann var
setturdósent l.nóv. 1968.