Búnaðarrit - 01.12.1916, Page 43

J3ÚNAÐARRIT
297
fjár yfir Austur-Skaftafellssýslu. Mest ær, nokkuð af geml-
ingum og öðru ungfé geldu. Mestur varð feliirinn i Lóni
og Nesjum. Sumstaðar um 100 á bæ, og enn meira á
stöku stað. — Skárst varð afkoman á vel höldnu beitarfé.,
Hér í Hólum er útigangur góður. En laust fyrir miðjan
vetur var farið að gefa ám ákaflega vel með beit, gott
hey, og látnar liggja við opið; voru þær þá á beit, hvenær
sem þær vildu, með því beitarhúsin eru í miðjum hög-
um. Þær fengu ágætan bata, og í þær kom engin pest.
Aftur voru hér heima á túni 50 ær, sem var gefið inni
að mestu, ekki látnar út nema þegar bezt og blíðast var,
og aldar eftir föngum, en samt fengu 10 af þeim pestina,
og fóru 6 af þeim. Að öðru leyti slapp þessi bær, nema
í júlímánuði fóru 2 eða 3 ær, sem þó höfðu fætt vel
lömb og gengið vel úr ullu. — Yfir höfuð virtist vel
haidið beitarfé sleppa bezt. — Margra ráða var leitað
gegn pestinni, sérstaklega var tóbak notað allmikið, en
lítil sem engin áhrif virtist það hafa".
Aflabrögð.
Þetta ár var mesta góðæri fyrir þá, er sjóinn stunduðu;
fór þá hvorttveggja saman, mikill afli og ódæma hátt verð
á sjávarafurðum.
Síldarafli var mestur við Eyjafjörð og Siglufjörð. f
ágústmánuði kom óminnilegt hafsíldarhlaup inn í ísa-
fjarðardjúp, og var hún veidd bæði í kastnætur inni á
fjörðum og reknætur úti í Djúpinu.
Botnvörpungum og mótorbátum fjölgaði nokkuð.
Róðrarbátum hefir heldur fækkað síðari árin, en þar
sem þeir gengu til veiða hér syðra, öfluðu þeir vel. Það
er sjaidgæft að róðrar séu stundaðir við Landeyjasand,
en í þetta sinn varð þó talinn talsverður styrkur að því,
sem aflaðist þar. Fengu þeir, sem bezt fiskuðu, hátt á
annað hundrað í hlut af fiski á vetrarvertíð. Yið Dyr-