Sunna - 01.01.1933, Blaðsíða 30
126
S U N N A
það arseniksápu (eitur!) til að verja það rotnun og skemmdum
af völdum skordýra. En það verður fullorðinn maður að gera.
Skurðirnir á hliðum fisksins eru saumaðir saman, þannig, að
sem minnst beri á þeim. Loks er borið glært lakk utan á
roðið, þegar það er orðið vel þurrt.
Þú mátt ekki láta hugfallast, þó að þér mistakist í fyrsta
sinni sem þú reynir að stoppa fisk. Það kemur með æfingu.
Kannske Sunna fái að frétta af náttúrugripasöfnunum ykkar?
A. S.
Barnablöð.
»Sunnu« hafa borizt allmörg blöð og nokkrar bækur til
umsagnar. Þar á meðal eru nokkur skólablöð. — »Sunnu«
þykir vænt um að geta flutt fréttir af ritum þessum, ekki sízt
skólablöðunum, sem öll eru skemmtileg og gleðilegur vottur
nýs lífs í barnaskólunum. Skal nú að nokkru getið rita þessara:
I. „Stjarna“ heitir fjölritað blað, er byrjaði að koma út í
haust í sambandi við barnaskólann í Bolungavik. Kom fyrsta
tölublaðið út 5. nóv. Hefir »Sunna« fengið þrjú fyrstu blöðin.
Er efnið allt frá börnum, nema ein grein, er formaður skóla-
nefndar hefir ritað í 2. tbl., þar sem hann örfar bæjarbúa til
þess að styðja að útgáfu »Stjörnu« með því að kaupa blaðið.
Efni blaðsins er sögur frumsamdar, ferðasögur og stílar úr barna-
skólanum, skrítlur o. fl. Utgefendur eru »nokkrir barnaskóla-
drengir«, en stúlkur og drengir skrifa í blaðið jöfnum höndum.
Svo segja drengirnir í ávarpi í 1. tbl.: »Við vonum, að þið
fyrirgefið okkur þó þetta litla blað, sem við byrjum nú að
gefa út, sé barnalegt. Við gerum þetta til að æfa okkur í að
rita móðurmálið okkar*.
Sveinn Halldórsson, skólastjóri í Bolungavík, hefir í bréfi
til »Sunnu« Setið þess, að bæjarbúar hafi tekið blaðinu hið
bezta. Hvert blað selja drengirnir á 10 aura. — Börnin eru
full af áhuga og björtum vonum. Þá er miklu borgið.