Sunna - 01.02.1933, Blaðsíða 10

138
S U N N A
lega upp á náðir annarra manna komnir. Þeir gera til-
raunir til að stöðva skip í von um ölmusugjafir eða einhvern
feng. Annarstaðar leggja þeir bátunum við akkeri, ganga á
land og heimsækja þorp og sveitir og betla. Sjúklingar, t. d.
holdsveikir menn, eru á sumum þessum bátum. Vmsir gefa
þeim drjúgan skilding, til þess að þeir víki af almannaleiðum.
Svo eru húsabátarnir, sem eru heimili mörg hundruð þús-
unda Kínverja. Ef við kæmum á eitt slíkt heimili, myndi okkur
finnast einkennilegt um að litast. Húsmunir eru þar hvorki
margir eða fjölbreyttir, því að undir þiljum er aðeins dvalið,
þegar veður er eigi gott og um nætur. Fjölskyldan kann vel
við sig undir beru lofti. Börnin leika sér á þilfarinu og oft
má sjá smábörn með svolitla tunnu eða kút á bakinu, þegar
þau leika sér. Þetta eru björgunartæki, sem höfð eru til var-
úðar, því að oft getur það komið fyrir, að börnin detti út af
heimili sínu, í vatnið.
Fjöldi manna fæðist, lifir og deyr á húsabátum þessum.
Frá Kínverjum mætti segja enn svo undra margt, ekki sízt
hinum mörgu einkennilegu siðum þeirra og má vel vera, að
frá þeim verði sagt síðar.
V. Brúnir menn.
Frá Kínverjum höldum við suður á bóginn, til þess að hitta
brúnu mennina eða Malajana. Aðalheimkynni þeirra er Austur-
Indland, Malakkaskaginn og Indlandseyjar. Á slóðum þessum
er þó fjöldi af öðrum þjóðflokkum, bæði af Mongólum og
Erönum (hvítum mönnum), einnig svertingjum.
Heimkynni Malajanna er í hitabeltislöndum, þar sem brenn-
heit hádegissólin hellir geislaflóði sínu yfir fjölbreytt dýralíf
og fjölskrúðugan jurtagróður.
Þarna er heimkynni tígrisdýra og fleiri hættulegra rándýra.
Skriðdýr, t. d. höggormar og eiturslöngur, eru þar víðsvegar.
]urtagóðurinn er mjög mikill. Þar eru ræktuð suðræn aldini,
bananar og kaffi, sykur og tóbak, kryddjurtir ýmsar, pipar,
negull og múskathnetur, einnig rís, baðmull og margt fleira.
Skógar eru þarna víða hávaxnir, þéttir og stórkostlegir.